بامیاننینگ تاریخی تاغلری بغریده، مذکور ولایتده سیاحتچیلیک اورتهدن کیتمسلیگی و رواجلنیشی اوچون قیزیقیش و خلاقیت بیلن سعیوحرکت قیلهدیگن یاشلر حیات کیچیرماقده. اجتماعی ترماقلرده سیاحتچیلرنی رهنمالیک قیلیشدن کوریشگه سزاوار جایلرنی تانیشتیریشگه قدر، اولر بو صناعت ترقیاتیده اونملی رول اینهیدیلر. بامیان قول تیگمهگن طبیعتی و تاریخی اثرلری بیلن ییللردن بیری ایچکی و چیتایللیک سیاحتچیلر میزبانی دیر. بو آرهده مذکور صناعتنی تانیشتیریش و قوللب-قوتلشده یاشلر فعال شکلده حصه قوشهدیلر.
اجتماعی ترماقلرده بیر صحیفه آچیب، بامیان دهگی تاریخی اثرلر و کوریشگه سزاوار جایلر همده قیشلاقلرنی تانیشتیرهدیگن زمانعلی ادیبنینگ ایتیشیچه: «هر بیر ایشنی باشلمسدن آلدین، بیر پلانیمیز بولیشی کیرهک. ایکینچیده ایشگه قیزیقیشیمیز کیرهک؛ چونکه ایشگه قیزیقمسهک، موفقیتگه ایریشیش قیین بولهدی. خلاقیت ایشنینگ اونملی بیر بولیمی دیر، اینیقسه ییتکرمهده بیر تیم بیلن تورلی موضوعلر، ایده توزهتیش و برنامه توزهتیش یخشی و تاثیر قیلووچی بیر ایشگه سبب بولهدی.»
بیزلرنینگ فیسبوک صحیفهمیزگه باش اورینگ!
جناب ادیب، بامیان ده اهالی و دولتی ادارهلرنینگ همکارلیگینی هم بیان قیلیب و کوپهیتیریشیچه: «بامیان اهالیسی بو موضوعلرگه قیزیقهدی، اینیقسه قیشلاق یا-ده منطقهلرینینگ تانیشتیریلیشی توغریسیده بیر برنامه بارلیگینی بیلسهلر، بیزلر بیلن همکارلیک قیلهدیلر. شونینگدیک معلومات و مدنیت ریاستی هم موردلردن کوپ قطاریده همکارلیک قیلگنلر.»
بامیان معلومات و مدنیت ریاستینینگ سیاحتچیلیک آمری و سیاحتچیلیک بیلرمانی عبدالحکیم صفانینگ ایتیشیچه، بیر ییلدن بویان سیاحتچیلیک بولیمیده ایشلهیدی. «بیر ییلدن بیری مستقیم شکلده سیاحتچیلیک بولیمیده ایشلهیمن. خوشبختانه بو آز مدتده، سیاحتچیلیک آمریتی یخشیراق بیر شکلده رواجلنگن.»
جناب صفا، سیاحتچیلیکده خلاقیت اورنی حقیده کوپهیتیریشیچه: «خلاق یاشلریمیز بار که اوز امکانیتلری بیلن اینیقسه تیل اورگهنیشده، ایچکی و چیتایللیک سیاحتچیلرنی رهنمالیک قیلیشده یخشی بیر رول اوینهیدیلر. بو اوزی ایشیمیزده خلاقیتنی کورستهدی.»
«بند امیر» منطقهسیدن گلافروز غفوری، ایچکی سیاحتچیلرگه محلی تورلرنی اوتکزیش بیلن، تاریخی و فرهنگی جایلرنی تانیشتیریش توغریسیده خذمت کورستهدی. بانو غفورینینگ ایتیشیچه: «سیاحتچیلیک بولیمیده عیاللر سهمینی کوزگه آلیش کیرهک؛ سیاحتچیلیک بیزلرگه فقط درآمد ایمس، کیملیگیمیز دیر؛ بیر سیاحتچی کیلگنیده، فرهنگیمیز کوریلهدی. یاشلر کوپینچه قیینچیلیکلر بیلن روپهرهلر؛ سیاحتچیلیکنینگ رسمی تعلیمی یوقلیگی، بومی بازارچهلر یوقلیگی، نهادلر آرقهلی کمراق قوللب-قوتلنیش و آستقورمهلر ضعفلیگی روپهره بولگنیمیز قیینچیلیکلردن دیر. مین ایشیم بیلن بامیاننی باشقهلرگه تانیشتیریشدن فخرلنهمن.»
بولرگه علاوه، بامیان ده «نوربند قلعه» هوتلی مدیری عبدالله سعادت، بو بولیمدهگی اوز ایش تجربهسی و قیینچیلیکلرینی بیان قیلیب و ایتیشیچه، قویاش ۱۳۹۹-ییلدن رسمی شکلده اوشبو هوتل مدیریتلیگینی بوینیگه آلگن. «مذکور هوتلده ایشنی باشلمسدن آلدین، تورلیخیل موسسهلر بیلن ایش تجربهم بار ایدی و بیر مدت هم بو هوتلده مهمان ایدیم. اوشه پیت تورلی اهالی و فرهنگلر بیلن بیر محیطده ایشلشگه قیزیقدیم. بو کبی بیر فضاده ایشلش انسان آگاهیلیگینی آشیرهدی.»
لیکن بو یولده بیر قطار قیینچیلیکلر هم بار، اینیقسه سونگی ییللرده. بو توغریده عبدالله سعادتنینگ ایتیشیچه: «حاضرگی قیینچیلیکلردن بیری، موسسهلر و ایچکی سیاحتچیلر حضوری کمهیگنی دیر. اینیقسه بندامیرنینگ یاپیلیشی بیلن مهمانلر سانی قریب صفرگه ییتیشگن؛ بو وضعیت هوتل درآمدیگه سلبی تاثیری بار؛ چونکه آیلیک خرهجتی، ایشلاوچیلر آیلیگی و باشقه خرهجتلر هم بار.»
بیزلرنینگ «ایکس» ترماغی ده هم تعقیب قیلینگ!
شوندهی بیرحالده، بامیان معلومات و مدنیت باشلیغی سیدمصطفا صالحنینگ ایتیشیچه، اوشبو ریاست سیاحتچیلیک صناعتی رواجلنیشی توغریسیده بیر قطار برنامهلری بار. «سیاحتچیلیک رواجلنیشی اوچون بیر قطار برنامهلریمیز بار که اولر قیشلاقلردهگی یاشلر اوچون آگاهیلیک بیریش برنامهلری و سیمینارنی اوتکزیش، انترنت و کمپیوتر مهارتلرینی اورگهتیشدن عبارت دیر. اوشبو برنامهلردن مقصد، اولرنینگ بیلیم سطحی آشیشی و سیاحتچیلیک بولیمیده اولرنینگ یخشی رول اوینهشی دیر.»
بامیان ده سیاحتچیلیک رواجلنیشیده یاشلرنینگ حصه قوشیشی، نه فقط بیر نیاز دیر، بلکیم مذکور ولایتده برقرار ترقیات اوچون یخشی بیر فرصت دیر. انگیزه، امکانیت، تحصیل و خلاقیت گه ایگه بولیش بیلن، یاشلر بامیان دهگی سیاحتچیلیک سیماسینی اوزگرتیره آلهدیلر. مسئول نهادلر تامانیدن ییترلی حمایت زمینهسی یرهتیلگنی صورتده، بو نسل بامیاننینگ تاریخی و طبیعی میراثینی حرفهای شکلده دنیا گه تانیشتیره آلهدیلر و شونینگدیک ایش تاپیش و اقتصادی رواجلنیش زمینهسینی هم یرهته آلهدیلر.
