اوسیملیک دارولرنی توزتهدیگن یاشلردن قطارینینگ ایشانچیگه کوره، کیمیاوی دارولر بیلن دوالنیشی قیین بولگن آغریقلرنینگ طبیعت دوالشی ممکن. اولر عنعنوی طبیاتنینگ اوقوو دستوریگه کیریتیلیشینی ایستهب و سلاموطندار گه ایتیشلریچه، عنعنوی طبنینگ عملی، کینگ و درست بیر شکلده کیلهسی نسللرگه ییتکزیلیشی کیرهک.
عنعنوی طبیات، هم بیلیم و هم کسب دیر. مذکور دوالنیش اصولی، کسللیکلرنینگ انیقلنیشی، آلدی آلینیشی و دوالنیشیده قوللنیلهدیگن اوتگن نسللرنینگ بیلیم، مهارت و تجربهلری دیر. بیر بیلیم صفتیده، عنعنوی طبیات تجربه و محلی بیلیملرگه اساسلنگن نظریهلر، توشینچهلر و اصوللر مجموعهسی دیر. بیر کسب صفتیده، عنعنوی طبیات کسللیکلرنی انیقلش و مناسب دوالش اصوللرنی تکلیف قیلیش اوچون مهارت، بیلیم و تخصصگه نیازی بار.
تورت یاشنینگ سلاموطندار بیلن اوتکزگن صحبتلریده ایتیشلریچه، طبیعی منبعلردن آگاه بیر شکلده فایدهلنیش، محلی بیلیملرنی سقلب قالیش و کسللیکلرنی دوالش، عنعنوی طبیاتنینگ رواجلنیشی اوچون حرکت قیلینیشیگه سبب بولگن عامللردن دیر.
بیزلرنینگ فیسبوک صحیفهمیزگه باش اورینگ!
۱۰ ییلدن بویان کابل شهری «ده افغانان» ساحهسیده عنعنوی طبیات اصوللریدن فایدهلنیش بیلن مراجعت قیلووچیلرنی دوالهیدیگن یاش بیر حکیم، عارفالله یوسفزینینگ ایتیشیچه، اوسیملیک دارولر بیلن کسللیکلرنی دوالش عایلهسیدن اونگه قالگن بیلیم دیر. اونینگ کوپهیتیریشیچه، بواسیر، بیپشتلیک و بیل دیسکی کبی کسللیکلر اوچون طبیعی اوسیملیکلردن فایدهلنیش بیلن دارو توزهتهدی.
عارفالله یوسفزینینگ اورغولشیچه: «یونانی دارولرنینگ ضرری یوق؛ بولر اوسیملیکلر، فایدهلی نرسهلر و چاروهلردن توزهتیلهدی و هیچ قندهی ضرری یوق. بو دارولردن قوشنی مملکتلرده هم قوللنیلهدی. تشقی مملکتلر هم بولیمده کوپ رواجلنگن. ساغلیقنی سقلش وزیرلیگی تامانیدن جوازیمیز بار. تیکشیریلهدی و کیین عطاری، یونانی کبی تورلی بولیملر بار.»
بو بولیمده ۱۳ یاشرلیگیدن ایشگه باشلهگن یاش حکیملردن باشقه بیری سمیعاللهنینگ ایتیشیچه، بو ایش آرقهلی اونچهلیک درآمدیم یوق؛ لیکن طبیعی اوسیملیکلرنینگ شفابخش خصوصتی سبب بو یولگه آدیم قویگن. «سکیز یا-ده توقیز ییل آلدیم یونانی طبیاتگه کوپ قیزیققنیم سبب، ۱۳ یاشرلیگیمده بیر سیک یانیگه باریب ایشگه باشلهدیم. ایشلهب و یونانی دارولرنی اورگندیم. ایکی ییلدن بیری مستقل دکانیم بار.»
افغانستان تاغلی بولگنی سبب، دارویی اوسیملیک رواجلنیشی اوچون یخشی بیر یشش محیط دیر؛ لیکن عنعنوی طبیات حکیملری دارولری تولید بولیشی اوچون دستلبکی مادهلر کملیگیدن شکایت قیلیب و ایتیشلریچه، کوپینچه پیت اوسیملیک دارولرنی تیارلش اوچون نیاز بولگن مادهلرنی هندوستان، پاکستان و بنگلهدیش کبی مملکتلردن کیلتیرهدیلر.
شونینگدیگ عارفالله یوسفزینینگ ایتیشیچه: «عنعنوی طبیاتنینگ دستلبکی مادهلری اوچ منبعدن ترکیبلنهدی؛ اوسیملیکلر، چاروهلر و فایدهلی آزیق-آوقت دیر که اولردن قطاری افغانستان ده بار؛ لیکن مادهلردن کوپینچهسی هندوستان، پاکستان و بنگلهدیش کبی مملکتلردن کیلتیریلهدی. پاکستان ده مادهلر کوپ، چونکه او ییرده عطارلیکلر کوپ دیر و بو بولیمده کوپراق ایشلهیدیلر. گند کتیره، کرکرهه کبی مادهلر دیر که اوشبو مادهلر هندوستان و باشقه مملکتلردن وارد بولهدی.»
باشقه بیر تاماندن، آلتی ییلدن بیری عنعنوی طبیات بولیمیده فعالیت قیلهدیگن حکیملردن محمدقاسم مخلصنینگ ایتیشیچه، حکومت درسی نصاب گه عنعنوی طبیات مضمونلرینینگ کیریتیشی بیلن اوشبو دوالنیش اصولی رواجلنیشی اوچون یاردم بیریشی کیرهک.
اونینگ کوپهیتیریشیچه: «یونانی طبیاتده حمایتچیمیز یوق؛ یعنی بوعلی سینا اسمیده کسلخانهمیز بار، بیلیم یورتیمیز بار؛ بیراق مذکور کسلخانهده یونانی طبابت یوق. برچه بولیمده توجه زمانهوی طبیات توغریسیده بولگن. بو توغریده حکومت توجهسی جودهیم آز دیر. دوستلریمیزدن کوپینچهسی تلاش قیلدی که طبی انستیتیوتلر بولسه؛ لیکن ساغلیقنی سقلش وزیرلیگی قبول قیلمهدی. ایشانچ و خام مادهلریمیز بار. بو بولیمده تخصصی کیشیلر کملیگی، کسلخانه کملیگی و تجربهلر بولیمی کملیگی بیلن روپهرهمیز. علمی تدقیقات مرکزیمیز یوق.»
باشقه بیر تاماندن، شفاکارلردن قطاری متخصصلر توصیهسی بیلن اوسیملیک و کیمیاوی دارولردن فایدهلنیشینی کیرهکلی دیب و ایتیشلریچه، هر قندهی دارونینگ قیینچیلیگی بولیشی ممکن؛ انه شوو سبب، اولردن اوز باشیمچهلیک شکلده قوللنیلمسلیگی کیرهک.
بو توغریده متخصص شفاکار رحیمگل درویشنینگ ایتیشیچه: «کسللیک انیقلنمهگنی صورتده، کسلنینگ وضعیتی یخشیلنمسلیگی گه علاوه، وضعیتی یامانراق هم بولهدی؛ چونکه وجودنینگ متابولیزمینی هر کیم بیلمهیدی. کسللردن کوپ قطارینی کورهمیز که معاینهخانهلرگه باریب، عنعنوی دارولردن فایدهلنگنلر و پانقراس، جگر و روده نی هم خراب قیلیب و کسلنی سندروم تامان آلیب بارهدی. طبابت بیر علم دیر، ساتیلیش بازار ایمس. تجربه بولیب اورته گه کیلهدی و علمی تدقیقات صورت تاپهدی. عنعنوی دوالنیشگه مخالفمین، چونکه مذکور کیشی اوسیملیکلرنینگ قیسی دارو اوچون فایدهلنیشینی بیلیشی و اولرنی تانیشی کیرهک. مین توصیه قیلیشیگه موافقمین.»
بیزلرنینگ «ایکس» ترماغی ده هم تعقیب قیلینگ!
شوندهی بیرحالده، ایکینچیلیک، سووغاریش و چاروهچیلیک وزیرلیگی سوزلاوچیسی غلاممحمد کاظم، دارویی اوسیملیکلرنینگ ایکیلیشی و توپلنیشینی کوکنار اورنیده یخشی بدیل دیب، سرپرست حکومت آرقهلی ایکینچیلرگه مصلحت بیریلیشی توغریسیده بیللی برنامهلر بارلیگیگه تاکید قیلهدی.
اونینگ ایتیشیچه: «افغانستان ایکینچیلیک، سووغاریش و چاروهچیلیک وزیرلیگی مملکتده طبی اوسکونهلر ایکیلگن ساحهلر سقلنیشی و کوچهیشی مقصد، بیللی برنامهلرنی توزتگن و توزتهدی. بو برنامهلر دهقانلرگه طبی اوسیملیک اوروغلرینی ترقهتیش، طبی اوسیملیک ایکیلگن ساحهلرنی سقلش، اولرنی ایکیشگه قیزیققن دهقانلرگه فنی مصلحت بیریش دیر. بو موردلردن برچهسی طبی اوسیملیکلرنینگ سقلنیشی و رواجلنیشی اوچون فایدهلی بولهدی و بو برنامهلر عملی شکلده ایکینچیلیک وزیرلیگی آرقهلی طبی اوسیملیکلر بولگن منطقهلرده بار و عملگه آشیریلهدی. طبی اوسیملیکلر جملهدن هینگ، زعفران و زردچوبه باشقه مملکتلرگه صادر بولهدی و بو مملکت اوچون یخشی درآمدی بار.»
ایتیش کیرهک که، اسلام امیرلیگی ساغلیقنی سقلش وزیرلیگی سرپرستی، ۲۰۲۴-ییل ۴-دسمبر چین ده خلقارا عنعنوی طبیات ییغیلیشی اوتکزیلگنی جریانیده، مذکور مملکتدن امکانیت یرهتیلیشی، تجربهلر شریک قیلینیشی و افغانستان ده عنعنوی طبیات ساحهسیده قوشمه تدقیقاتلر عملگه آشیریلیشی توغریسیده همکارلیک ایستهگن.
