سلام‌وطندار نینگ ۲۷ قیز و ییگیت بیلن اۉتکزگن صحبتی اساسیده، افغانستانده‌گی یاشلر هوش‌مند تلفون‌لردن باشقه‌لر بیلن علاقه قوریش گه قۉشیمچه کوپراق تعلیمی برنامه‌لر، آنلاین سودا، آگاهی‌لیک‌لرینی آشیریش و گیم اوچون قوللنه‌دیلر.
بو گزارش ده صحبت قیلگن ۲۷ کیشی دن توقیز ته‌سی هوش‌مند تلفون دن عادی ایشلری، ییتّی نفری اوقیش، آلتی نفری گیم، بیر نفری اېسه آنلاین سودا و باشقه تورت نفری باشقه‌لر گه قونغیراق قیلیش اوچون قوللنیشنی اېتگنلر.
۲۵ یاشر رحیمه، هوش‌مند تلفون دن تعلیمی برنامه‌لرنی اېزلش و گیم اوچون قوللنیشنی اېته‌دی. اونینگ کوپه‌یتیریشیچه: «هوش‌مند تلفون دن کوپراق کونده‌لیک ایشلر و انده-سنده تعلیمی برنامه‌لرنی اېزلش و گیم اوچون قوللنه‌من.»
۲۱ یاشر لیمه نینگ ایتیشیچه، هوش‌مند تلفون دن آگاهی‌لیگینی آشیریش مقصدیده قوللنه‌دی. «کوپراق هوش‌مند تلفون دن قوللنه‌من و تیریکچیلیگیم گه کوپ تأثیر قویگن؛ هوش‌مند تلفون آرقه‌لی معلوماتیمنی آشیره‌من؛ اوقیش اوچون مینگه کوپ یاردم بیرگن.»
گزارش ده صحبت قیلگن ۲۱ کیشی، هوش‌مند تلفون‌لردن قوللنیش و اجتماعی ترماق‌لر آرقه‌لی اطلاعات دن فایده‌لنیشنی قولی‌لشتیرگنینی اېته‌دیلر.
محمدارشاد گه کوره: «کونده‌لیک حیاتیمده تکنالوژی دن قوللنه‌من و کوپ قیینچیلیک‌لریمنی حل قیلگن؛ بیلمه‌یدیگن نرسه‌لرنی یوتیوب و گوگل گه قیدیره‌من.»
بو گزارش ده صحبت قیلگن یاشلر، ایمیل دن فایده‌لنیشنی اېتگنلر. گزارش ده صحبت قیلگن ۲۷ کیشی دن، ۲۴ نفری ایمیل نی اۉزلری و باشقه اوچ نفری باشقه‌لر نینگ یاردمی بیلن توزه‌تگنلرینی معلوم قیلگن.
بیزلرنینگ فیسبوک صحیفه‌میزگه باش اورینگ!
سونم نینگ کوپه‌یتیریشیچه: «ایمیل دن قوللنه‌من؛ ایمیل نی باشقه بیر کیشی توزه‌تیب بیرگن.»
سلام‌وطندار نینگ معلومات‌لری اساسیده، یاشلر هوش‌مند تلفون‌لردن تورلی شکلده قوللنه‌دیلر؛ گزارش ده صحبت قیلگن ۲۲ کیشی، هر کونی تورت ساعت دن سکیز ساعت گه قدر هوش‌مند تلفون دن قوللنیشنی اېتگنلر.
مژگان هر کونی سکیز ساعت هوش‌مند تلفون دن قوللنه‌دی ایتیشیچه: «هر کونی اوقیش اوچون هوش‌مند تلفون دن قوللنه‌من؛ کوپینچه ایشلریمنی تلفون آرقه‌لی عملگه آشیره‌من.»
خپلواک شفیق نینگ ایتیشیچه: «هر کونی تورت-بیش ساعت تکنالوژی دن قوللنه‌من اینیقسه معلومات توپلش اوچون کوپراق قوللنه‌من.»
بیزلرنینگ «ایکس» ترماغی ده هم تعقیب قیلینگ!
روان‌شناس‌لردن بیرقطاری، هوش‌مند تلفون‌لردن کوپ قوللنیش، یاشلر نینگ روحی سلامت‌لیگی اوستیگه سلبی تأثیر قیلیشینی اېته‌دیلر.
روان‌شناس هیبت‌الله ابراهیم خیل نینگ ایتیشیچه: «کوپ روحی قیینچیلیک تاپتیره‌دی؛ افسرده‌لیک، اضطراب، تشویش و حتا باغلیق‌لیکّه سبب بوله‌دی؛ چونکه بیز اجتماعی ترماق‌لرده تورلی خیل آدم‌لر بیلن تانیشه‌میز؛ بونگه قۉشیمچه، اویلش کمه‌یشی گه باعث بوله‌دی.»
جمعیت‌شناس ضیا نیک‌زاد، هوش‌مند تلفون‌لر و اجتماعی ترماق‌لردن حد دن آشه قوللنیش، یاشلر نینگ حیاتیده سلبی عاقبتی بولیشی ممکن دیه ایشانه‌دی. «بیر جمعیت نینگ روحینی حاضر تکنالوژی شکل بیره‌دی؛ بوتون علاقه‌لر اینیقسه اوزاق همده عایله اعضالری یا که اورتاق‌لر بیلن علاقه قوریش، تکنالوژی بیلن عملگه آشیریله‌دی.»
هوش‌مند تلفون‌لر نینگ برچه قابلیت‌لریدن قوللنیش اینترنت گه باغلیق دیر؛ شونی اوچون یاشلر پوللری نینگ بیر قسمینی اینترنت فعال قیلیش اوچون صرفله‌یدیلر.
افغانستان مخابراتی خذمت‌لرنی ترتیب گه سالیش اداره (اتراق) سۉزلاوچیسی جلال‌الدین شمس گه کوره، حاضرگی کونده افغانستان نینگ ۱۲ میلیون دن کوپراق اهالیسی اینترنت دن قوللنماقده. «۲۵ میلیون مخابرات دن قوللنووچی‌میز بار و ۱۲ میلیون دن کوپراغی اینترنت دن قوللنه‌دی، اولر نینگ کوپینچه‌سی یاشلر دیر.»
هوش‌مند تلفون‌لردن علاقه قوریش، گیم اوینیش یا که وقت اۉتکزیش مقصدیده قوللنیش، کوپینچه مثبت و منفی عاقبتی بار؛ ینگی تکنالوژی دن فایده‌لنیش یا که نقصان کوریش، اوندن قیسی اسلوب ده قوللنیش گه باغلیق دیر.
