سلام‌وطندار نینگ معلوماتی اساسیده، یالغیز اوتگن بیر آی ده مملکت نینگ ۱۳ ولایتیده یوز بیرگن ۴۳ ترافیکی حادثه ده ۴۴ کیشی هلاک بولیب و باشقه ۱۰۷ کیشی یره‌لنگن.
اوشبو حادثه‌لر کوپراق هلمند، فاریاب، بدخشان و کابل_بغلان قتناو یولی (سالنگ) حدودلریده یوز بیرگن.
ترافیک عمومی ریاستی نینگ پلان و پالیسی مدیری عبدالودود خیرخواه نینگ سلام‌وطندارگه ایتیشیچه، ترافیکی معیاری سیستم یوق‌لیگی، مملکت بویلب ترافیکی حادثه‌لر کوپه‌یشیگه سبب بولگن.
اونینگ کوپه‌یتیریشیچه، ترافیکی معیاری سیستم یوق‌لیگیگه قوشیمچه، باغلیق اداره‌لر نینگ همکارسیزلیگی، ترافیکی حادثه و تلفات کوپه‌یشی گه سبب بولگن باشقه موردلردن دیر.
بیزلرنینگ فیسبوک صحیفه‌میزگه باش اورینگ!
عبدالودود خیرخواه نینگ ایتیشیچه: «قتناو یوللرده ترافیکی حادثه‌لر کوپه‌یش عاملی سرک‌لر بوزوق‌لیگی دیر و ینه‌هم بلدیه ریاستی، معلومات و مدنیت، ساغلیق‌نی سقلش و عامه منفعت‌لر وزیرلیک‌لری نینگ ترافیک ریاستی بیلن همکارلیک قیلمسلیگی دیر که نتیجه ده ترافیکی حادثه‌لر یوز بیره‌دی.»
شو بیلن بیرگه، یولاچیلردن بیر قطاری نینگ ایشانچی گه کوره، ترافیکی حادثه‌لر کوپراق هیداوچیلر نینگ دقت‌سیزلیگی و تیز هیده‌شلری باعث یوز بیره‌دی.
کابل یشاوچیلریدن خالد گه کوره: «ترافیکی حادثه‌لر هیداوچیلر نینگ تجربه‌سیزلیگی باعث یوز بیره‌دی، چونکه هیداوچیلر یاش‌لر و حتا باله‌لر دیر.»
کابل یشاوچیلریدن باشقه بیری عبدالله ناصری نینگ ایتیشیچه: «اساسی دلیل هیداوچیلر نینگ دقت‌سیزلیگی دیر که ترافیکی حادثه یوز بیریب و وطنداش‌لردن قربان‌لیک آله‌دی.»
یالغیز فاریاب ده اوتگن بیر هفته ایچیده ۶ ترافیکی حادثه یوز بیرگن که نتیجه ده اونلرچه یولاوچی اولیب و یره‌لنگن.
بیزلرنینگ توییترده هم تعقیب قیلینگ!
مذکور ولایت ترافیک مدیری بریالی یارمل نینگ سلام‌وطندار گه ایتیشیچه، ترافیکی حادثه‌لر کوپه‌یش عامللریدن بیری اولردن صلاحیت آلینیشیگه باغلیق دیر، چونکه اولر اوتمیش کبی هیداوچیلر گه جریمه پارچه بیره آلمه‌یدیلر.
بریالی یارمل گه کوره: «جریمه پارچه‌سینی بیریش صلاحیتی بیزدن آلینگن، اوتمیش ده بو وضعیت نی کنترول قیلر ایدیک. حاضر قولیمیز بوش، شونی اوچون هیداوچیلر دقت قیلمه‌یدی.»
بوتوغریده اسلامی امارت عامه منفعت و ترانسپورت وزیرلیک‌لری نینگ فکر_ملاحظه‌سینی اورگه‌نیشنی ایسته‌دیک، لیکن اولر بوتوغریده صحبت قیلیشدن باش تارتدیلر.