خوست ده قاره جلغوزه سوداگرلریدن قطاری نینگ ایتیشلریچه، جلغوزه صادراتی اوچون هوایی دهلیز گه قول تاپیش بیلن اولرگه باشقه ضرور آسایشته‌لیکلر نینگ یره‌تیلیشی کیرهک. اولرگه کوره، حاضر ایسه جلغوزه نی یالغیز چینلیک سوداگرلر، چین بیلن باشقه مملکت‌لر گه صادر قیله آله‌دی.
قاره جلغوزه سوداگرلریدن رییس‌خان نینگ ایتیشیچه، هوایی دهلیز یولی‌دن قاره جلغوزه صادراتی خصوصیده زمینه یره‌تیلیشی کیرهک. اونینگ کوپه‌یتیریشیچه: «حکومت‌دن جلغوزه صادارتی زمینه‌سی یره‌تیلیشینی ایسته‌یمیز، چونکه بو ییل چین دن سوداگرلر کیلیب و بو محصول نی آز قیمت گه ساتیب آلدیلر و آز فایده قیلدیک؛ جلغوزه نی چین گه صادر قیلگنیمیزده فایده‌میز نی ایکی برابر بوله‌دی.»
بیزلرنینگ فیسبوک صحیفه‌میزگه باش اورینگ!
قاره جلغوزه سوداگرلریدن صادق‌‌خان نینگ ایتیشیچه، افغانستان ده جلغوزه نینگ پاکت‌لنیشی و پروسسی اوچون ستندرد کارخانه‌لر آچیلگنی صورت‌ده، اونینگ درآمدی افغانستان اوچون ایکی برابر بولیشی ممکن. «کابل و چین گچه بولگن کرایه نینگ یوقاریلیگی بیر قیین‌چیلیک دیر. حکومت‌دن چین گه جلغوزه یوباریلیشی خره‌جتی نینگ کمه‌یتیریشینی ایسته‌یمیز. چین گه یخشی قیمت بیلن صادر بولگنی‌ده، کابل ده هم یخشی قیمت گه ساتیب آلینه‌دی.»
شونینگدیک جلغوزه سوداگرلریدن باشقه بیری داوود نینگ ایتیشیچه: «ساووق‌خانه‌لر نینگ قوریلیشی کیرهک، چونکه جلغوزه نینگ سقلنیشی اوچون چادر‌دن قوللنه‌میز؛ ساووق‌راق جایلر نینگ بولیشی کیرهک. مثلا گردیز ده بیر ساووق‌خانه قوریلسه که هر بر ولایت‌دن اهالی ساتیب آلیش اوچون بارسه.»
قاره جلغوز سوداگرلری نینگ قیین‌چیلیکلریدن باشقه بیری، اونینگ پاکستان‌لیک کلدار بیلن ساتیب-آلینیشی دیر. خوست ده‌گی قاره جلغوزه سوداگرلریدن بیری حکیم نینگ ایتیشیچه، حاضر ایسه جلغوزه کلدار بیلن ساتیب-آلینه‌دی که انه شوو سبب، هر ییلی سوداگرلر میلیون‌لب افغانی زیان کوره‌دی. اونینگ کوپه‌یتیریشیچه: «جلغوزه کلدار گه ساتیب-آلینه‌دی، بیراق دالر برابریده کلدار ارزشی نی قولدن بیره‌دی. جلغوزه نینگ افغانی بیلن ساتیلیشینی ایسته‌یمیز که کوپ زیان بولمسه.»
بیزلرنینگ «ایکس» ترماغی ده هم تعقیب قیلینگ!
شونده‌ی بیرحالده، خوست حاکمی سوزلاوچیسی مستغفر گربز، جلغوزه سوداگرلری قیین‌چیلیگی حل بولینیشی خصوصیده سوز بیره‌دی. اونینگ کوپه‌یتیریشیچه: «ولایت‌ده‌گی نهادلر ایشیگی برچه اینیقسه جلغوزه سوداگرلری یوزیگه آچیق دیر و اولر ریجه‌لری نینگ بیزلر بیلن شریک قیله آله‌دیلر و بیزلر اونی کابل ده‌گی مسئوللر بیلن شریک قیله‌میز که اولر نینگ قیین‌چیلیکلری حل بولسین.»
خوست ده جلغوزه ساتووچیلر بیرلشمه‌سی معلوماتی اساسیده، جاری قویاش ییل‌ده خوست، پکتیا و پکتیکا دن جلغوز صادراتی میزانی نینگ ۳ مینگ ۵۰۰ تُن گه ییتیشیشی ممکن.
