هلمند یشاوچیلریدن قطاری، اوشبو ولایتده متخصص داکتر عیاللر آزلیگیدن شکایت قیله‌دیلر. هلمند یشاوچیلریدن سمیع‌الله و شایسته‌گل نینگ سلام‌وطندار گه ایتیشلریچه، متخصص داکتر عیاللر آزلیگی باعث، کسل عیاللرنی دارو_درمان اوچون باشقه ولایت‌لر حتا چیت ایل گه آلیب باریش‌گه مجبور بوله‌دیلر.
اولر ساغلیق‌نی سقلش وزیرلیگیدن، اوشبو قیینچیلیک حلی اوچون تیزلیک بیلن اقدام قیلیشنی سوره‌یدیلر.
بیزلرنینگ فیسبوک صحیفه‌میزگه باش اورینگ!
هلمند یشاوچیلریدن بیری نینگ ایتیشیچه: «داکتر عیاللر آزلیگی باعث بیمار عیاللرینی دوالش اوچون باشقه ولایت‌لر حتا چیت ایل اولکه‌لر گه آلیب باره‌دیلر، چونکه بو ییرده بیمارلری تشخیص بولمه‌یدی. بیمارلرینی دارو_دواله‌یدیگن متخصص یوق.»
هلمند یشاوچیلریدن باشقه بیری نینگ ایتیشیچه: «بو ییرده بعضی بیمارلرنی داوله‌یدیگن متخصص یوق، شونی اوچون هرات و قندهار کبی ولایت‌لر گه باره‌میز، حتا قطار کسل‌لر درمان اوچون پاکستان نینگ کویته شهری‌گه کیتگن‌لر، چونکه بو ییرده بیمار مراجعت قیله‌دیگن متخصص یوق دیر.»
عین‌حالده، هلمند ده‌گی شفاکارلردن بیری فیض‌الله اندیوال گه کوره، جامعه‌ده متخصص داکتر عیال یوق‌لیگی کتته قیینچیلیک سنله‌دی.
اونینگ ایتیشیچه، ولادت چاغیده متخصص عیال، آنه‌لر و باله‌لر اولیمینی آلدینی آلیش اچون مهم رول اوینه‌یدی.
فیض‌الله اندیوال نینگ کوپه‌یتیریشیچه: «جامعه‌ده عیال متخصص داکتر یوق‌لیگی اهالی همده ساغلیک بولیمیده اساسی و جدی قینچیلیک سنله‌دی. سببی آنه و باله‌گه بوله‌دیگن خدمت بولمه‌یدی. بونگه علاوه توغیلمه‌گن یا که ینگی توغیلگن باله‌لر نینگ بیمارلیگینی تشخیص قیلیش و اولرنی دارو_دوالش، متخصص داکتر عیال نینگ زمه‌سیگه دیر.»
بیزلرنینگ توییترده هم تعقیب قیلینگ!
شو بیلن بیرگه هلمند ساغلیق‌نی سقلش باشلیغی احمد سعید، اوشبو ولایتده متخصص داکتر عیال آزلیگینی قبول قیلیب ایتیشیچه، حاضر مذکور ولایتده اوچ متخصص عیال ساغلیک بولیمیده ایشله‌یدی.
اونگه کوره، مذکور اوچ متخصص عیال نینگ ایکیته‌سی ینگی‌لیکده استخدام بولگن که اوشبو ولایت بویلب ساغلیک قیینچیلیکلری بیر آز حل بولگن.
ایتیش کیره‌ک که، حاضر هلمند ولایتیده باشقه ۸ عیال، متخصص‌لیک عملی و نظری دوره‌سینی اوتکزماقده‌لر.