دنیا بانکی نینگ اعلام قیلیشیچه، افغانستان نینگ ایچکی ناخالص تولیدی میلادی جاری ییل نینگ یکونیگچه ۳۰ فایز کمه‌یشی ممکن. اوشبو بانککه کوره، ۲۰۲۱-ییل نینگ سونگی آیی‌لریده افغانستان درآمدی اوچ فایز‌دن بیر فایز کمه‌یگن و حاضرگی شرایط‌ده اونی تیکلش قیین دیر.
دنیا بانکی افغانستان اقتصادی وضعیتی خصوصیده ینگی بیر گزارشیده ایتگن که، ۲۰۰۷-ییل‌دن بویان اوشبو مملکت ناخالص درآمدی مثل‌سیز درجه‌ده کمه‌یب و عایله‌لر نی جدی قیین‌چیلیک بیلن روپه‌رو قیلگن. مذکور بانک نینگ کوپه‌یتیریشیچه، اقتصادی بحران ۲۰ ییل‌لیک یوتوقلر اورته‌دن کیتیشی، قشاق‌لیک و آواره‌لیککه سبب بولیشی ممکن.
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، بیراق دنیا بانکی نینگ اورغولشیچه، افغانستان خلق‌ارا یاردم‌لر نی قولگه کیتیریب و اسلامی امارت حکومتی انسان حقوقی گه حرمت قایل بولیب و مملکت نینگ مالی بولیم‌لری نی درست بیر شکلده مدیریبت قیلگن صورت‌ده، اوشبو مملکت نینگ اقتصادی قیین‌چیلیگی آلدینی آلیشی ممکن.
مذکور بانک نینگ کوپه‌یتیریشیچه، مملکت‌لر و یاردم بیرووچی تشکیلات‌لر، سرپرست حکومت‌دن عیال‌لر وقیزلر بیلن یخشی مناسبتده بولیشی اوچون اساسی معیار‌لری نی رعایت قیلیب و انسان حقوقی گه حرمت قایل بولیش‌لری نی کوتیشه‌دیلر. دنیا بانکی گه کوره، افغانستان‌ده ایکینچیلیک سکتوری، طبیعی منبع‌لر، یاش جمعیت و خوفسیزلیک نینگ تامین‌لش افغانستان اقتصادی اوچون بدیل یول بولیشی ممکن.
بیزلرنینگ توییترده هم تعقیب قیلینگ!
شونینگدیک گزارش‌ده کیلگن که، دنیا جماعه‌‌چیلیگی نینگ خواهش-ایستک‌لری عملی بولگن تقدیرده، افغانستان اقتصادی نظیری کوریلمه‌گن درجه‌ده رشد قیلیب و هر ییلی ایش شرایطی گه ماس بولگن ۶۰۰مینگ کیشینی ایش بیلن تأمینلش ممکن.
ایتیش کیره‌ک که، افغانستان‌ده اسلامی امارت نینگ قدرت گه ایریشگنی و تشقی یاردم‌لر نینگ کیسیلگنی بیلن، اوشبو مملکت‌ده اقتصادی بحران کوپه‌یب و گزارش‌لر اساسیده، جمعیت‌دن ۹۷ فایزی ییترلی ییمککه قول تاپه‌آلمه‌یدیلر.