جوزجانده عیال‌لرگه خاص فتنس کلپی مسووللری نینگ ایتیش‌لریچه، اوشبو کلپ عیال‌لرنی سپورت‌گه تشویق قیلیش مقصد ده قوریلگن.
عیال‌لرگه خاص فتنس کلپی مربی‌سی زهره یولچی نینگ ایتیشیچه، اوشبو کلپ مناسب مکانده نیاز بولگن تجهیزات‌لر بیلن ایجاد ایتیلگن و کونده ۱۸۰ عیال بو ییرده تمرین قیله‌دی.
عیال‌لرگه خاص فتنس کلپی مربی‌سی نینگ کوپه‌یتیریشیچه، بو کلپ نینگ قوریلیشی اوچون بیر میلیون و ۲ یوز مینگ افغانی هزینه قیلینگن.
خانم یولچی نینگ فتنس سپورتی عیال‌لر آره‌سیده رواجلنیشینی جدی نیازلردن عنوان قیلیب ایتیشیچه، عیال‌لرنی سپورت قیلیش‌گه تشویق قیلیش اوچون بونده‌ی فعالیت‌لرنی یولگه قویگنلر.
جوزجان ولایتیده بیرقطار فعال عیال‌لر، اوشبو سپورتی کلپ ایجاد ایتیلیشی‌نی خوش قرشی‌لب و عیاللردن یره‌تیلگن فرصتدن یخشی شکلده فایده‌لنیش‌لرینی سوره‌گنلر.
جوزجان ولایتیده عیال‌لر حق‌لریدن مدافعه‌چیلیک قیلووچی عیاللردن بولیمش نیلا صادق اوغلی و مغفرت صمیمی نینگ ایتیشیچه، سپورت ساغلیک و سلامت‌لیک‌نی تضمین قیله‌دی و قیزلرنینگ سپورت قیلیش اوچون عایله‌لری تامانیدن تشویق قیلینیشی کیره‌ک.
اولر، جوزجان ولایتیده بونده‌ی سپورتی کلپ‌لر ایجاد ایتیلیشی‌نی اونملی عنوان قیلیب و کیله‌جکلرده کوپراق سپورتی باشگاه‌لر ایجاد ایتیلیشی اوستیگه تاکید قیله‌دیلر.
شونینگدیک، جوزجان ولایتی بوییچه بدن نی تربیه‌لش اداره‌سی مسووللری نینگ ایتیش‌لریچه، حاضرگه‌قدر جوزجان ولایتیده عیال‌لرگه خاص ۵ سپورتی کلپ فعالیت‌گه باشله‌گن.