پکتیا ولایتی ده بیرقنچه خاتین‌لر، اسلامی امارت دن خاتین‌لرنی پولیس تشکیلیده شامل قیلیش‌لری و خاتین پولیس افسرلرینی تعین ایتیلیشی نی ایسته‌گن.
اولر نینگ ایتیشیچه، پکتیا ولایتی نینگ جماعه‌سی خاتین پولیس افسرلری، که تفتیش و تیگیشلی ایریم وظیفه‌لر نینگ بجریشی اوچون بو ولایت ده جدی ضرورت بار.
پکتیا محلی رسمی‌لری نینگ ایتیشیچه، سابق رژیم دن هیچ بیرخاتین پولیس افسرلری اوز وظیفه‌لریدن چیتلنتیریلگن ایمس.
بیزلرنینگ فیسبوک صحیفه‌میزگه باش اورینگ!
پکتیا ده‌گی بیرقنچه خاتین‌لر، اسلامی امارت دن اوتمیش‌لردیک خاتین پولیس‌لر گه اداره‌لر ده ایش زمینه‌سی نی یره‌تیلیشی نی ایسته‌یدیلر. بو خاتین‌لر نینگ ایتیشیچه، کیم‌لیک آلیش، پاسپورت و تورلی خذمت‌لر ییتکیزیلیشی اوچون خاتین پولیس‌لرگه جدی احتیاج کوریله‌دی.
پکتیا یشاوچیسی پلوشه نینگ ایتیشیچه، جماعه ده ، ایرکک پولیس یانیده، خاتین پولیس‌لر گه احتیاج‌لری بار.
پکتیا ولایتی نینگ باشقه بیر یشاوچیسی زرینه نینگ ایتیشیچه، خاتین پولیس‌لرگه جدی احیتاج‌لری بار، اما بعضی عایله‌لر خاتین عضولریگه امنیتی سکتورلرگه ایش‌لش اوچون رخصت بیرمه‌یدی. اونینگ ایتیشیچه، جماعه خاتین‌لری نینگ قیینچیلیکلری نی ییچیش اوچون وظیفه گه آلینیش‌لری و عایله‌لری تامانیدن ترغیبلنیشی کیرک.
پکتیا ولایتی نینگ معلومات و مدنیت اداره سی رییسی خالقیار احمدزی نینگ ایتیشیچه، اوتگن رژیم ده‌گی خاتین پولیس‌لر وظیفه‌لری دن برطرف ایتیلمه‌گن، اما حاضرگچه هم اوز وظیفه کیلیشگن یوق. اونگه کوره، امنیتی سکتورلرده خاتین‌لر نینگ حضوری اوچون مرکزی حکومت قرارقیله دی.
اوتگن رژیم ده، پکتیا ده ۳۰ ته خاتین پولیس ایریم ییرلرده وظیفه‌لری بار ایکن.
