آق سرای سوزلاوچیسی جن ساکی نینگ ایتیشیچه، آمریکا قوشمه ایالت‌لر محکمه‌سی حکم بیرمسدن افغانستان مرکزی بانکی نینگ سرمایه‌لری ۱۱سپتامبر قربانی‌لری نینگ عایله‌لری گه توللنمه‌یدی.
آق سرای سوزلاوچیسی، اوتگن کونی مطبوعاتی ییغینده خبرچی‌لر نینگ سوال‌لری گه جواب ایتیشیچه، آمریکا قوشمه ایالت‌لری جمهور باشلیغی جوبایدن نینگ افغانستان مرکزی بانکی دارایی‌لری خصوصیده‌گی فرمانی «جریان نینگ بیر باسقیچی دیر» و بو توغریده محکمه حکم بیرمه‌گونچه، هیچ قنده‌ی پول انتقال بیریلمه‌یدی.
ساکی نینگ اورغولشیچه، جوبایدن نینگ بو ایشی، افغانستان مرکزی بانکی سرمایهلریدن بیر قسمی آزاد ایتیلیشی و افغانستان خلقی نینگ منفعتی گه صرفله‌نیشی اوچون تلاش دیر، عکس حالده، اوشبو سرمایه توسیلگن حالتیده قالیب و افغانستان گه انتقال بیریلمسلیگی ممکن.
بیزلرنینگ فیسبوک صحیفه‌میزگه باش اورینگ!
آق سرای سوزلاوچیسی گه کوره، ۱۱سپتامبر هجوملری قربانی‌لری نینگ عایله اعضالری، اسلامی امارت رسمی‌لری گه قرشی فدرال محکمه سیده دعوا آچگن‌لر، که ۳.۵ میلیارد دالر سرمایه اوشبو دعوا بیر قسمی دیر، بو پول حقیده محکمه قرار آلگونچه آمریکا قوشمه ایالت‌لریده قاله‌دی.
او نینگ تأکیدلشیچه، بایدن نینگ فرمانی عملگه آشیریلیشیدن مقصد، اوشبو سرمایه‌لردن بیر قسمی افغانستان یشاوچیلری اوچون انسان پرورلیک یاردم بیریش گه شرایط یره‌تیش دیر.
آمریکا جمهوررئیسی جوبایدن، افغانستان سرمایهلریدن ۷ میلیارد دالر که اسلامی امارت قدرت‌نی آلگنیدن کیین آمریکا بانک‌لریده موزله‌تیلگن ایدی آزاد ایتیلیش فرمانینی نیچه کون آلدین امضاله‌دی. اوشبو فرمان اساسیده ۳.۵ میلیارد دالر افغانستان ده‌گی بشری انقراض‌نی آلدینی آلیش و انسان پرورلیک یاردم‌لرگه گه شرایط یره‌تیش و ۳.۵میلیارد دالری ۱۱سپتامبر قربانی‌لری نینگ عایله‌لری گه تاوان توللش اوچون نظرگه آلینگن.
آمریکا جمهور باشلیغی نینگ بو قراری ملی و خلق‌ارا مناسبت‌لر گه روپه‌رو بولگن. افغانستان اسلامی امارت اعلامیه آرقه‌لی، آمریکا قوشمه ایالت‌لری جمهور باشلیغی جوبایدن نینگ افغانستان مرکزی بانکی سرمایهلریدن بیر قسمینی مصادره قیلیشی گه عاید فرمانی گه مناسبت بیلدیریب و اونی تحریک قیلووچی دیب و بو توغریده واشنگتن گه هشدار بیرگن.
اسلامی امارت نینگ اعلامیه سیده کیلیشیچه، آمریکا اوز قراری‌دن قیتمه‌ی و تحریک قیلووچی ایشیگه دوام بیرگن تقدیرده، اسلامی امارت اوشبو مملکت باره سیده سیاستسینی اوزگرتیریشی ممکن.
اسلامی امارت اعلامیه‌سیده تاکیدلنیشیچه، ۱۱سپتامبر هجوملری افغانستان خلقی گه هیچ قنده‌ی مناسبتی یوق و «افغانستان خلقی نینگ سرمایه‌سینی مصادره قیلیش آچیق باسقینچیلیک و ظلم دیر.»
بیزلرنینگ توییترده هم تعقیب قیلینگ!
مملکت سابق جمهور باشلیغی حامد کرزی، جوبایدن اوشبو قراری‌دن تنقید قیلیب ایتیشیچه، آمریکا بو قرارینی قیته تیکله‌شی لازم. او نینگ تاکیدلشیچه، افغانستان نینگ موزله‌تیلگن سرمایه‌لری اسلامی امارت حکومتی‌دن ایمس بلکه؛ افغانستان فقرالری گه تیگیشلی دیر.
عین‌حالده اوتگن کونی مملکت نینگ مینگلب اهالیسی بیرقطار ولایت‌لرده بایدن نینگ قراری گه قرشی واکنش کورسه‌تیب ناراضی‌لیک بیلدیردیلر.
اعتراضچیلر، ۱۱سپتامبر هجوملری افغانستان خلقی گه هیچ قنده‌ی تیگیشلیگی یوق، شونی اوچون مملکت دارایی‌لری مذکور واقعه قربانی‌لری نینگ عایله اعضالری گه بیریلمسلیگی کیره‌ک دیه تاکید ایتدیلر. شونینگدیک مذکور ناراضی‌لیک نمایشچیلر آمریکا تامانیدن افغانستان اوروشی قربانی‌لری گه تاوان توللنیشینی طلب قیلدیلر.
