آمریکا رسانه‌لری نینگ گزارش بیریش‌لریچه، مذکور مملکت نینگ تیکشیروولری اساسیده، روسیه اوکراین گه هجوم قیلیش مقصدیده، کمیده ۷۰ فایز کیره‌کلی کوچ و حربی واسطه‌لر نینگ تیار قیلگن.
آمریکا رسمیلری نینگ ایتیش‌لریچه، روسیه حربی‌لری اوکراین گه کینگ بیر هجوم اوچون ۱۵۰ مینگ کوچ گه نیازی بار که بو رقم جاری (فبروری) آی نینگ یریمی‌گچه اوشبو مملکت چیگره‌سیده جا‌بجا بولیشلری ممکن.
گزارشلر اساسیده، کمیده ۱۱۰ مینگ روسیه حربی‌لری اوکراین چیگره‌لریده جایلیشگنلر؛ بیراق حاضرگچه اوشبو مملکت جمهور رئیسی ولادیمیر پوتین اوکراین گه هجوم قیلیشی اوچون آلگن قراری حقیده بیلی بیر معلومات قولگه یوق.
بیزلرنینگ فیسبوک صحیفه‌میزگه باش اورینگ!
شونینگدیک آمریکا رسمیلری نینگ آگاه‌لنتیریشیچه، اوکراین گه روسیه نینگ کینگ هجومی صورت تاپگن بیرحالده، بو مملکت پایتختی تیز بیر شکلده تصرف بولیب و ۲۵ الی ۵۰ مینگ تینچ اهالی نینگ اولیشی گه سبب بولیشی ممکن.
مذکور تیکشیروولر اساسیده، کمیده ۲۵ مینگ اوکراینی حربی و ۱۰ مینگ روسی حربی هلاک و بیر‌دن الی ۵ میلیون مهاجر قوشنی مملکتلرگه آوره بولیشلری ممکن.
لیکن روسیه، اوکراین گه یقین بیر زمان‌ده هجوم قیلیشلری خصوصیده‌گی آمریکا رسمیلری نینگ مش‌مشلری نی رد قیلگن.
شونده‌ی بیرحالده، اوتگن کون آمریکا رسمیلریدن بیرینچی بولیمی پولند گه بارگن. اوتگن هفته، آمریکا جمهوررئیسی جو بایدن کمیده ۳ مینگ اضافی حربی نی پولند و رومانیا گه باریشلری نی بویروغ بیرگن.
بیزلرنینگ توییترده هم تعقیب قیلینگ!
آمریکا حربی منبع‌لری نینگ ایتیش‌لریچه، کیله‌جک کونلرگچه، کمیده ۱ مینگ و ۷۰۰ آمریکا حربی‌لری قوشمه ایالت‌دن پولند و ۱۰۰۰ آمریکا حربی آلمان‌دن رومانیا گه یوباریلیشی ممکن.
بو کوچلر نینگ یوباریلیشیدن مقصد، اروپا شرقی‌ده ناتو نینگ حمایت و کوچلنتیریش و بو منطقه گه روسیه و اوکراین هجوم‌لری نینگ کوپه‌یش احتمالیدن توسیق بولیش دیر.
روسیه آمریکا کوچلری نینگ اروپا گه یوباریلگنی نی قاره‌لب و بو اقدام هجوم‌لر نینگ کوپه‌یشی و سیاسی ییچیم یول گه قول تاپیش اوچون قیین‌چیلیکلر نی ایجاد قیلیش گه سبب بولیشی نی ایتگن.