آمریکا، افغانستان دفاعی کوچلرینی تجهیزلش و کوچ‌لنتیریش مقصد ده یوزلرچه حربی جهاز و میلیونلرچه اوق‌نی ملی مدافعه وزیرلیگی‌گه یاردم بیرگن.
اوشبو حربی تجهیزات‌لر اوتگن “پنجشنبه” کونی بیر مراسم آرقه‌لی، ملی مدافعه وزیرلیگی‌گه تاپشیریلگن.
ملی مدافعه وزیرلیگی نینگ بیر اعلامیه آرقه‌لی ایتیشیچه، کیسکین حمایه‌وی کوچلر، یاردم‌لری دوامیده یوزلرچه هاموی تانگ، میلیونلرچه اوق و باشقه بیرقطار حربی تجهیزات‌نی اوشبو وزارت گه تاپشیرگن.
ملی مدفعه وزیرلیگی اورین باسری شاه‌محمود میاخیل نینگ ایتیشیچه، اوشبو حربی تجهیزات‌لردن مملکت یشاوچی‌لری نینگ خوفسیزلیگی‌نی تامین‌لش اوچون فایده‌لنه‌دی.
کیسکین حمایه‌وی کوچلر قومندانلریدن بیری دیدریک، افغانستانده تینچلیک‌نی تامین‌لش اوچون دفاعی و امنیتی کوچلرنی کوچلی قیلیش‌نی اونملی عنوان قیلیب و آمریکا قوشمه ایالاتی نینگ یاردم‌لری دوام تاپیشی اوستیگه تاکید قیلگن.
مدافعه وزیرلیگی تامانیدن نشر قیلینگن خبرنامه گه کوره، آمریکا اوتگن جاری میلادی ییل جریانیده ۱ مینگ و ۳۸۳ هاموی تانگ، ۱۰ اوچاق و ۴ تیک‌اوچرنی افغانستان دفاعی کوچلریگه یاردم بیرگن.
