امریکا قوشمه ایالت‌لری نینگ کانگرسی اوتگن کون افغانستان، اسلامی امارت کنترولی‌گه اوتگنی دن کیین ۲۰ ییل‌لیک اوروشی‌ده بومملکت ماموریتی نینگ ناکام‌لیک دلیلی نی تیکشیریش اوچون بیر کمیسیون ایجاد قلیشی گه رای بیرگن‌لر.
فرانسه خبری آژانسی نینگ گزارشی گه کوره، اوشبو کمیسیون نینگ ایجاد ایتیلشی امریکا دفاعی ریجه‌سی نینگ بیر بولیمی صفتیده، ۷۶۸ میلیارد دالر ارزشی و ۸۹ سناتور نینگ ایجابی رایی بیلن تصویب بولگن. اوشبو کمیسیون امریکا جمهور رییسی نینگ امضاسی‌دن کیین، ایکی جمهوریتچی و دیموکراتچی حزبی نینگ ۱۶ عضوی شامل ایجاد بولیشی گه قرار آلینیشی ممکن.
بیزلرنینگ فیسبوک صحیفه‌میزگه باش اورینگ!
فرانسه خبری آژانسی نینگ گزارشی دن نقل بولیشیچه، بو کمیسیون اعضاسی گه دستلبکی راپورلری ایلک اولتیریش‌لر دن سونگ بیان ایتیلسین دیب بیر ییل‌لیک مهلت بیریلگن، و نهایی راپور نی امریکا ناکام‌لیگی حقیده اوچ ییل گه قدر بیان ایتیش‌لری کیرک. بو کمیسیون وظیفه‌لنتیریلگن که افغانستان اوروشی حقیده همه تامانلمه تیکشیروولری نی بجرسه و کیله‌جک ریجه‌لر اوچون مشخص تخنیکی و استراتیژیکی عملیات نی بیان ایتیش‌لری کیرک.
افغانستان اوروشی نینگ تیکشیروولریدن آلینگ درس‌لر، افغانستان ده امریکا حربی‌لری نینگ کوپه‌ییشی و بو حربی‌لر آزه‌ییشی اوچون تعیین ایتیلگن زمان، ۲۰۰۱ – میلادی ییل دن آلدین امریکا نینگ افغانستان مقابلی ده‌گی سیاستی، ۱۱- سپتامبر که امریکا نینگ افغانستان گه هجوم قیلیش سببی دییله‌دی، افغانستان ده امریکا نینگ سابق جمهور رییسی جورج بوش دوره سیده اوروش باشلنیشی، کبی موضوع‌لر بو کمیسیون وظیفه‌لریدن دییلگن.
۲۰ ییل دن سونگ، افغانستان دن امریکا و ناتو حربی‌لری نینگ بوتونلی چیقیب کیتیشی حاضرگی ییل جولای آیی نینگ سونگیده باشلندی و ۳۰ نچی آگست افغانستان نی ترک ایتدی‌لر.
