پروان ولایتیدن امنیتی منبع‌لرنینگ سلام‌وطندارگه ایتیش‌لریچه، اوشبو ولایتده ایکی داکتر ناتانیش قوراللی اوغیرلاوچی‌لر تامانیدن اوغیرلنگن.
امنیتی منبع‌لرنینگ ایتیش‌لریچه، ایکی داکتر اوتگن “یکشنبه” کیچه ساعت ۹ ده ۳ ناتانیش قوراللی کیشی‌لر تامانیدن اوغیرلنگن.
عین‌حالده، بگرام ولسوالی عبدالشکور قدوسی نینگ ایتیشیچه، اوشبو داکترلر «سرصیاد» منطقه‌سیده بولگن ایمرجنسی کسلخانه‌سیدن اوغیرلنگن.
جناب قدوسی گه کوره، اوغیرلاوچی‌لر مذکور داکترلرنینگ قوییب یوباریلیشی‌گه قرشی پول ایسته‌گنلر، بیراق پول مقداری خصوصیده معلومات بیرمه‌گن.
پروان پولیس قومندانلیگی نینگ جنایت‌لرگه قرشی کوره‌ش مدیری محمدصادق هاشمی، مذکور داکترلرنی آزاد قیلیش اوچون سعی و حرکت‌لر باشلنگنیدن خبر بیرگن.
جناب هاشمی نینگ ایتیشیچه، اوشبو ایکی داکتر کسل‌نی معاینه قیلیش بهانه‌سی بیلن کسلخانه‌دن چیقگن‌لر و طالبان تامانیدن اوغیرلنگنی احتمالی بار.
پروان ولایتی بوییچه ساغلیق‌نی سقلش ریاستی مسوول‌لری بوتوغریده فکر بیلدیرمه‌گنلر و شونینگدیک، ایمر جنسی مسوول‌لری هم صحبت قیلیش‌نی ایستمه‌گن.
ایتیلیشیچه، اوتگن “دوشنبه” کیچه‌سی بیر داکتر هرات مرکزیدن اوغیرلنگن.
هرات محلی مسوول‌لری نینگ ایتیش‌لریچه، اوشبو ولایت تانیقلی داکترلریدن بولمیش نظیف‌الله پوینده، اوتگن کیچه ساعت ۹ ده اوی نینگ یقینیدن اوغیرلنگن.
هرات پولیس قومندانلیگی سوزلاوچیسی عبدالاحد ولی‌زاده نینگ ایتیشیچه، جناب پوینده نینگ اوغیرلنیشی‌نی عایله‌سیدن خبر بولگنلر. اونینگ ایتیشیچه، جناب پوینده نی آزاد قیلیش اوچون سعی و حرکت‌لر باشلنگن.
عین‌حالده، واقعه گواه‌لری نینگ ایتیش‌لریچه، آدم اوغیرلاوچی‌لر حربی کییم دن قول‌لنگن و بو داکترنی زوردن اوزلری بیلن آلیب کیتگن.
ایتیلیشیچه، کمیده ۲ آی آلدین ۹ یاشیده بولگن عبدالرووف مزارشریف شهریدن حربی کییمی بولگن اوغیرلاوچی‌لر تامانیدن اوغیرلنگن ایدی و حاضرگه‌قدر هم اوغیرلاوچی‌لر نظارتی‌گه دیر.
