افغانستان ده بیرلشگن ملت‌لر تشکیلاتی نینگ اورین باسرلیک دفتری (یوناما) گه کوره، افغانستانده‌گی عیاللر، اسلام امیرلیگی بیلن مذاکره قیلیشنی ایسته‌یدیلر.
یوناما اوتگن کون –جمعه، ۲۷ عقرب، بیرگزارش ترقه‌تیب، بیرلشگن ملت‌لر تشکیلاتی خوفسیزلیک کینگشی نینگ ۱۳۲۵_ قطعنامه‌سی اساسیده، افغانستان نینگ بیرقطار ولایت‌‍لریده خاتین قیزلر حضوری بیلن ییغیلیش یولگه قویگنینی معلوم قیلگن.
یوناما نینگ گزارشیده کیلیشیچه، اوشبو ییغیلیشده اشتراک ایتگن عیاللر بیلن، مهم ییغیلیش‌لرده حصه قوشیش‌لری، زوروانلیک، تعلیم، ایش و عدالت تأمین ایتیلیشی خصوصیده بحث ایتیلگن.
بیزلرنینگ فیسبوک صحیفه‌میزگه باش اورینگ!
کابل ده بیرلشگن ملت‌لر تشکیلاتی نینگ مخصوص نماینده‌سی مارکس پوتزل گه کوره، بیرلشگن ملت‌لر تشکیلاتی هردایم انسان حقلری کنوانسیون‌لری و خاتین قیزلر حقوقی گه دایر، افغانستان نینگ بیرگن وعده‌لرینی اسلام امیرلیگی رسمیلری بیلن شریک قیله‌دیلر.
یوناما نینگ ایتیشیچه، کابل ده‌گی عیاللر بیرلشگن ملت‌لر تشکیلاتیدن اولر و اسلام امیرلیگی ارا مذاکره قیلیش گه زمینه یره‌تیب، دستلبکی حقلری بیریلیشی، اقتصادی شرایط یره‌تیلیشی، تعلیم و خاتین قیزلر نینگ یوتوق‌لری اسره‌لیشی اوچون یاردم بیریش‌لرینی طلب قیلگنلر.
خاتین قیزلر، بیرلشگن ملت‌لر تشکیلاتی و دنیا همجمعیتدن، اسلام امیرلیگی رسمیلری بیلن اوز خواهش_ایستک‌لرینی شریک قیلیش مقصدیده زمینه یره‌تیشلرینی سوره‌یدیلر.
بیزلرنینگ توییترده هم تعقیب قیلینگ!
هرات ده‌گی عیاللر نینگ ایتیشلریچه، حاضر خاتین قیزلر گه قرشی جنسیتی تبعیض اوج آلیب و اولر سیستماتیک شکلده مهم ییغیلیش‌لردن چیقیریلماقده‌لر.
قندوزده‌گی خاتین قیزلر، اسلام امیرلیگیدن، خاتین قیزلر گه تعلیم شرایطینی یره‌تگن اسلامی مملکت‌لرنی اوزلری گه بیلگی قرار بیریش‌لرینی سوره‌گنلر.
اسلام امیرلیگی قدرت گه ایریشگنیدن بویان، افغانستان ده خاتین قیزلر گه چیکلاو یره‌تیلیب و اجتماعی حقوقلریدن بیر بولیمی اولردن آلینگن.
اوتگن بیر ییل ده، آلتینچی صنف دن یوقاری قیزلر گه مکتب باریش رخصتی بیریلمه‌گن.
ایتیش کیره‌ک که، نیچه کوندن بویان اسلام امیرلیگی امرمعروف و نهی منکر وزیرلیگی، دم آلیش پارکلر و سپورت کلپ‌لریده خاتین قیزلر نینگ باریشینی منع قیلگن.
