اسلام امیرلیگی تامانیدن افغانستان ده عیاللر ایشی و قیز اوقووچیلر تعلیمی توخته‌تیلیشی قراری خصوصیده دنیا نینگ عکس‌العمل‌لری دوامی‌ده، بیرلشگن ملت‌لر تشکیلاتی نینگ باش کاتبی آنتونیو گوترش، عیاللر ایشی و قیز اوقووچیلر تعلیمی توخته‌تیلیشی نی انسان حق‌لری نینگ ایاغ آستی قیلیش دیب و اونینگ بیکار قیلینیشی گه تاکید قیلگن.
بیرلشگن ملت‌لر تشکیلاتی نینگ باش کاتبی سه‌شنبه کیچه ۶ جدی، اوز توییتری ده یازیشیچه: «عیالر ایشی و قیز اوقووچیلر نینگ تعلیمی توخته‌تیلیشی قراری، انسان حقلرینی ایاغ آستی قیلیش دیر و بیکار قیلینیشی کیره‌ک.»
بیزلرنینگ فیسبوک صحیفه‌میزگه باش اورینگ!
آنتونیو گوترش گه کوره، عیاللر و قیزلر نی جماعه‌دن اوزاق‌لشتیریش، افغانستان اهالی‌سی نینگ قیین‌چیلیگی و عذابی دوام تاپیشی گه سبب بوله‌دی.
اسلام امیرلیگی سونگی کون‌لرده عیاللر تحصیلی نینگ تعلیق بولیشی و افغانستان ده ایچکی و خارجی نادولتی موسسه‌لرده عیاللر ایشی نی توخته‌تگن. اسلام امیرلیگی نینگ اوشبو ایکی قراری کوپینچه ایچکی و تشقی عکس‌العمل‌لر بیلن روپه‌ره بولگن.
