بیرلشگن ملتلر تشکیلاتینینگ ترقیاتی دستوری افغانستان بولیمی ینگیلیکده ترقهتگن گزارشیده، افغانستانده قیتیب کیلگنلر یشهیدیگن حدودلرده تاباره آرتیب بارهیاتگن باسیملر بیلن، یوزلشهیاتگنینی بیلدیرگن.
اوشبو اداره، ۳-قوس/۲۴-نومبر، دوشنبه کونی کابلده اۉتکزیلگن تدبیرده ایتیشیچه، ایکی میلیون ۳۰۰ مینگ افغانستان گه قیتگن کیشی بو مملکت تیکلنیش جریانی گه باسیم اۉتکزماقده.
بیرلشگن ملتلر تشکیلاتینینگ ترقیاتی دستوری سیاسی واحد، خلاقیت و بیلیم بوییچه باشلیغی پیتر چودری گه کوره، افغانستان اهالیسی اقتصادی تنزل، اقلیم اۉزگریشی ضربهلر و سۉنگی زلزله شرایطیده میلیونلب قیتیب کیلوچیلرنی قبول قیلیش جریانیده جدی معمالر گه دوچ کیلماقده.
او شوندهی دیېدی: «ننگرهار، کنر و سمنگان ولایتلریدهگی سۉنگی اولیملی زلزلهلر، جاری ییلدهگی قورغاقچیلیک بیلن بیرگه یشاوچیلرنینگ حیاتی گه سلبی تأثیر قویگن. بو طبیعی آفتلر یشش اویلر و آست قورمهلرنی توبدن بوزیب، آوارهلر و میزبانلرنینگ ضرر کوریشینی آشیرگن.»
بیرلشگن ملتلر تشکیلاتینینگ ترقیاتی دستوری «افغانستانلیک قیتیب کیلووچیلر و میزبانلر اوچون قیتیشدن قیته قوریشگچه» ناملی گزارشیده، ۴۹ مینگ افغان اهالیسی جملهدن بیر مینگ ۵۰۰ دن آرتیق قیتیب کیلگن اهالینی اوز ایچیگه آلگن عمومی سوراو اساسیده تیارلنگن.
اوشبو گزارشده شوندهی کیلگن، افغانستان گه قیتیب کیلگنلر کوپراق اوشبو مملکتنینگ شرق و شمال تومنلریده که قشاقلیک و اقتصادی قیینچیلیک بیلن روپهره دیر ییرلشگن، بو احوال ایش، باشپنه، سوو و بوتون اساسی خذمتلردن فایدهلنیشنی قیینلشتیریب و امکانیتلریدن تشقری محلی جمعیتنی باسیم آستیده قویگن.
اوشبو گزارش گه کوره، افغانستانلیک هر ۱۰ عایلهدن ۹ عایله تیریک قالیش اوچون منفی یوللر جملهدن آزیق-آوقتنی کمهیتیریش، بار نرسهلرینی ساتیش، قرض آلیش گه یوز کیلتیرگن و ۸۸ فایز قیتیب کیلگن عایلهلر و ۸۱ فایز میزبان عایلهلر قرضدارلیک بیلن یوزمه-یوز بولیشگن.
اوشبو نهاد مسئوللرینینگ ایتیشیچه، قیتیب کیلگنلر و میزبان عایلهلر ساغلیق خذمت و ایش امکانیتلریدن فایدهلنیش اوچون افغانستاننینگ شرقی، شمالی و مرکزی حدودلریده رواجلنتیریش دستورلرنی آشیرهدی.
بیرلشگن ملتلر تشکیلاتینینگ افغانستانده ترقیاتی دستوری وکیلی استیفن رودریگز شوندهی دیېدی: «درآمد تاپیش امکانیتلری، اساسی خذمتلر، باشپنه و اجتماعی بیردملیکنی اوز ارا باغلش آرقهلی، قیتیش درجهسی یوقاری بولگن تومنلرده باسیمنی کمهیتیریش ممکن.»
بیرلشگن ملتلر تشکیلاتینینگ ترقیاتی دستوری، قیتیب کیلوچیلرنی قبول قیلووچی حدودلرده سرمایه یاتقیزیلیشی و عیاللرنینگ ایشیگه قوییلگن چېکلاولر بیکار قیلینیشینی سورهگن.
