افغانستان بوییچه آمریکا ایلچی‌خانه‌سی نینگ سرپرستی یان مک‌کری، مملکتده کوکنار و برچه نشه‌لی مخدره ماده‌لر ایکیلمسلیگی خصوصیده اسلامی امارت رهبری هبت‌الله آخوندزاده نینگ بویروغی‌نی خوش قرشی‌له‌گن.
او توییتر صحیفه‌سیده یازگن که، افغانستان‌ده مخدره ماده ایشلب چیقاریلیشی و ایکیلیشی نینگ غیر قانونی بولیشی «بیرینچی ایجابی آدیم» دیر، بیراق «اوشبو قرار نینگ عمل گه آشیریلیشی اونملی دیر.»
افغانستان بوییچه آمریکا ایچیلیگی کارداری نینگ اورغولشیچه، سالم و قانونی ایکینچی‌لیککه ایگه بولیش افغانستان اقتصادی و نهایت‌ده اوشبو مملکت یشاوچیلری گه یاردم بیریشی ممکن.
بیزلرنینگ فیسبوک صحیفه‌میزگه باش اورینگ!
ایکی کون آلدین اسلامی امارت رهبری هبت‌الله آخوندزاده، صادر ایتگن فرمانیده افغانستان بویلب کوکنار و نشه‌لی ماده‌لر ایکیلیشینی ممنوع اعلام قیلدی. اوشبو فرمان‌ده کیلیشیچه، فرمان صادر ایتیلیش تاریخی‌دن باشلب بوتون مملکتده کوکنار ایکیلیشی «مطلق شکلده منع دیر و هیچ کیم اونینگ ایکیلیشی اوچون سعی و حرکت قیله‌آلمه‌یدی.»
اسلامی امارت رهبری گه کوره، اوشبو فرمان گه تخلف قیلگن کیشیلر بیلن، اسلام قانون-قاعده‌لری اساسیده رفتار قیلینیشی ممکن. هبت‌الله آخوندزاده نینگ فرمانی اساسیده، شراب، هروئین، شیشه، تابلیت (K)، چرس و باشقه نشه‌لی ماده‌لر نینگ آلیش-بیریلیشی، قاچاق، صادر و وارد ایتیلیشی جدی شکلده ممنوع دیر.
اسلامی امارت رهبری نینگ اورغولشیچه، اوشبو فرمان نینگ عمل گه آشیریلیشی لازمی دیر و اوشبو بویروغ بیلن مخالفت قیلگنلر، عدلی و قضایی نهادلر تامانیدن تیکشیریلیب جزالنتیریله‌‌دی.
بیزلرنینگ توییترده هم تعقیب قیلینگ!
بیراق اوشبو بویروغ نینگ صادر بولگنیدن کیین، مملکت نینگ جنوبی ولایت‌لرده مخدره ماده‌لر نینگ نرخی نظیری کوریلمه‌گن درجه‌ده کوپه‌یگن دیر. ارزگان و قندهار ولایت‌لریده تریاک ایشلری بیلن مصروف بولگن‌لردن قطاری نینگ سلام‌وطندار گه ایتیشلریچه، تریاک نرخی اوتمیش گه نسبتن ایکی برابر بولگن.
اولر گه کوره، اوتمیش‌لرده بیر کیلو تریاک ۸ مینگ افغانی ایدی؛ بیراق حاضر ۱ کیلو تریاک نینگ نرخی ۱۶ مینگ افغانی یا ۳۲ مینگ پاکستان‌لیک کلدار گه معامله بوله‌دی. اولر نینگ کوپه‌یتیریشیچه، اوتمیش‌ده پیشیریلگن بیر کیلو تریاک نینگ قیمتی ۱۳ مینگ افغانی ایدی؛ لیکن حاضر ۲۵ مینگ افغانی گه ییتیشگن.
