عالی محکمه نینگ ایتیشیچه، بوگون (یکشنبه ۲۸- جدی) کابل شهریده ایکی عیال قاضی ناتانیش قورالیلر آرقه‌لی ترور ایتیلگن. عالی محکمه سوزلاوچیسی احمد فهیم قویم نینگ سلام‌وطندارگه ایتیشیچه، مذکور هجوم ده ایکی عیال قاضی هلاک و اولرنینگ هیداوچیسی ایسه تن جراحتی کوتارگن.
کابل پولیس قومندانلیگی نینگ ایتیشیچه، ناتانیش قورالیلر ایکی عیال نی کابل شهریده اوققه توتیب اولدیرگن.
کابل پولیس قومندانلیگی سوزلاوچیسی فردوس فرامرز نینگ ایتیشیچه، مذکور حادثه بوگون ایرته‌لب ساعت ۸:۳۰ اطرافیده کابل شهری نینگ ۱۰- ناحیه‌سیگه تیگیشلی قلعه فتح‌الله منطقه‌سی نینگ ۱۰- کوچه‌سیده یوزبیرگن.
بیراق کابل پولیسی قربانیلرنینگ کیم‌لیگی توغریسیده آرتیق تفصیلات بیرمه‌گن.
حادثه مسئولیتی نی حاضرگچه بیرار گروه یا-ده شخص بوینیگه آلمه‌گن.
