تورکیه یشاوچیلری بوگون (یکشنبه، ۲۴ ثور/۱۴ می)، ایرته‌لب ساعت ۸:۰۰ ده مملکت‌لری نینگ کیله‌جک تقدیرینی تعینلش اوچون جمهورلیک ریاستی و پارلمانی سیلاولری گه اشتراک ایتگنلر، اوشبو سیلاو تورکیه معاصری تاریخی ده اینگ مهم سیلاو دیه اته‌لگن.
مذکور سیلاو ده تورکیه دولتی نینگ حاضرگی لیدری رجب طیب اردوغان اپوزیسیون رهبری کمال قیلیچدار اوغلو بیلن رقابت قیلگن، سیلاو دن آلدین بولیب اوتگن سوراولر گه بناً، کیله‌سی بیش ییل گه قدر تورکیه جمهورلیک ریاستی سرای گه یول تاپیش اوچون ایکیله‌سی اورته‌سیده یقین رقابت بارلیگی کوزه‌تیلگن.
تورکیه نینگ ۸۵ میلیون نفوسی دن ۶۴ میلیونی آواز بیریش شرایطی گه ماس دیر، تورکیه سیلاوی منطقه و جهان اوچون مهم دیر، اولر ارا مذکور مملکت ده قانونی و ناقانونی روشده تیریکچیلیک قیلیب کیلهیاتگن میلیون‌لرچه افغانستانلیک مهاجرلر نینگ تقدیری، اوشبو سیلاو نتیجه‌سی گه باغلیق دیر.
بیزلرنینگ فیسبوک صحیفه‌میزگه باش اورینگ!
تورکیه ده افغانستانلیک مهاجرلردن احسان‌الله رحیم‌اوغلو نینگ ایتیشیچه: «بو سیلاو نه‌فقط افغانستانلیک مهاجرلر بلکه تورکیه ده حیات کیچیریب کیلهیاتگن قریب سکیز میلیون مهاجر اوچون مهم دیر، چونکه سیلاو تامان‌لریدن بیری سیلاو کمپاین‌لری جریانیده، مهاجرلرنی اوشبو مملکت دن چیقریشینی ایتگن.»
تورکیه سیلاوی بولیب اوتیشیدن آلدین، مهاجرلر اینیقسه افغانستان‌لیکلرنی مذکور مملکت دن چیقریش جریانی شدت آلگن ایدی.
تورکیه ده حیات کیچیریب کیلهیاتگن افغانستانلیک مهاجرلر، مهاجرلر زوردن چیقریلیش جریانی دن خواطر بیلدیریب، سیلاو گه غلبه قازانگن کیله‌سی حکومت دن مهاجرلر نینگ وضعیتی خصوصیده دقت قیلیشینی طلب قیله‌دیلر.
تورکیه ده افغانستانلیک مهاجرلردن شاداب ژکفر گه کوره: «سیلاو غالبی دن، مهاجرلر تقدیرسیز بولمسلیگی اوچون بوتوغریده دقت قیلیشینی ایسته‌یمیز.»
عین‌حالده، تورکیه پارلمانی گه کاندید قیلگن افغانستانلیک عزت‌الله سادات، تورکیه پارلمانی گه یول تاپگن تقدیرده، افغانستانلیک مهاجرلر نینگ قیینچیلیگی حلی اوچون ایریم برنامه‌لری بولیشیدن ایشانچ بیره‌دی.
او نینگ سلام‌وطندار گه ایتیشیچه: «افغانستان فقرالری نینگ قیینچیلیگی کوپ دیر، قیسقه مدت ایچیده قیینچیلیکلرنی حل قیلیش ممکن سیز دیر، لیکن افغان‌لرنی اعتبارینی قیته تیکلش اوچون سعی‌وحرکت قیله‌من، ایکینچیدن اولر نینگ ساغلیک قیینچیلیگی اوچون تلاش قیله‌من، شونینگدیک تورکیه گه کیلگن افغانستانلیک مهاجرلر نینگ باله‌لری حاضر مکتب باریش دن محروم دیر اولر نینگ قیینچیلیگینی حل قیله‌من.»
بیزلرنینگ توییترده هم تعقیب قیلینگ!
تورکیه سیلاوی کاندیدلری نینگ، اوشبو مملکت خارجی سیاستی باره‌سیده ایریم برنامه‌لری بار؛ بیراق سیلاوی نتیجه‌سی افغانستان اوستیده قنده‌ی تأثیری بولیشی ممکن؟
بوتوغریده سیاسی مسئله‌لر ایش بیلرمانی طارق فرهادی نینگ سلام‌وطندار گه ایتیشیچه: «اردوغان سیلاو گه غلبه قازانگن تقدیرده، افغانستان و تورکیه مناسبت‌لری حاضرگی حالت ده دوام تاپه‌دی، اگر مخالفی غلبه قازانگن صورتده افغانستان دن اوزاقلشه‌دی لیکن افغانستان ده‌گی حاضرگی شرایط نی اوزاق دن کوزه ته‌دی.»
تورکیه سیلاوی محلی وقت بیلن ساعت ۵:۰۰ گه قدر دوام تاپگن و سیلاو نتیجه‌سی اوشبو کیچه یریمی گچه اعلام بولیشی معلوم قیلینگن. تورکیه سیلاوی گه غالب بولگن کیشی، ۵۰ فایز آوازنی تولدیریشی شرط دیر.
