تورکیه عالی سیلاو کینگش باشلیغی، یک‌شنبه کونی، ۷ جوزا/۲۸ می، اوشبو مملکت بویلب یولگه قوییلگن جمهورلیک ریاستی سیلاوی ایکینچی باسقیچی نتیجه‌سینی رسمی روشده اعلام قیلدی. تورکیه جمهورلیک ریاستی سیلاوی ایکینچی باسقیچی ده تورکیه نینگ حاضرگی دولت رهبری رجب طیب اردوغان غالب بولگن.
اوشبو سیلاو ده رجب طیب اردوغان ۵۲.۱۶ فایز آواز آلیب سیلاوی غالبی اعلان بولگن و کمال قیلیچدار اوغلو ایسه ۴۷.۸۴ فایز آواز آلیب مغلوبیت گه تن بیردی.
بیزلرنینگ فیسبوک صحیفه‌میزگه باش اورینگ!
رجب طیب اردوغان غالب‌لیگینی اعلام قیلیب و اوز بیاناتیده تورکیه خلقی دن منتدارچیلیک بیلدیریش گه قوشیمچه ایتیشیچه: «کیله‌سی بیش ییل گه قدر مملکت نی باشقریش مسئولیتینی مینگه تاپشیرگن هر بیر وطنداشیمدن، منتدارچیلیک بیلدیره‌من.»
رجب طیب اردوغان ایکیله سیلاو غالبینی تورکیه خلقی دیب ایتیشیچه: «بوگونگی غالب، یالغیز تورکیه خلقی دیر.»
تورکیه جمهورلیک ریاستی سیلاوی ایکینچی باسقیچی ده شرایط گه ماس ۸۸ فایز اهالی اشتراک ایتگن.
اوشبو سیلاو نتیجه‌سیگه بناً، رجب طیب اردوغان تورکیه نینگ اون اوچینچی جمهور باشلیغی ایتیب تعینلنگن.
بیزلرنینگ توییترده هم تعقیب قیلینگ!
تورکیه تاریخی ده بیرینچی مراتبه، جمهورلیک ریاستی سیلاوی ایکینچی باسقیچ گه اوتگن.
تورکیه جمهورلیک ریاستی سیلاوی بیرینچی باسقیچی ۱۴ می ده بولیب اوتیب و سیلاو نامزدلریدن هیچ بیری تعینلنگن آوازنی تولدیره آلمسلیگی سبب، سیلاو ایکینچی باسقیچ گه اوتگندی.
ایتیش کیره‌ک که، تورکیه جمهورلیک ریاستی سیلاوی بیرینچی باسقیچیده رجب طیب اردوغان ۴۹.۵۲ فایز آواز، کمال قیلیچدار اوغلو ۴۴.۸۸ فایز آواز آلگن ایدیلر.