بوگون “دوشنبه” آمریکا تشقی ایش‌لر وزیری آنتونی بلینکن نینگ توییتر صحیفه‌سیده یازیشیچه، افغانستان بوییچه آمریکا خاص نماینده‌سی توماس وست آسیا و اروپا ده‌گی بیرینچی سفرینی باشله‌گن. جناب بلینکن، اوشبو سفر باشلنمسدن آلدین جناب وِست بیلن اوچره‌شگن.
آمریکا تشقی ایش‌لر وزیری نینگ یازیشیچه، توماس وست افغانستان مسله‌لری توغریسیده آمریکا شریک‌لری و متحدلری بیلن بحث قیلیش مقصد ده بلجیم باشکنتی بروکسیل‌‌گه سفر قیلگن. جناب وست نینگ بیر توییت آرقه‌لی ایتیشیچه، بو سفر جریانیده آمریکا شریک‌لری و متحدلری بیلن افغانستان کیله‌جگی خصوصیده بحث قیلینیشی ممکن.
افغانستان تینچلیک جریانی بوییچه آمریکا ینگی نماینده‌سی نینگ ایتیشیچه:« بوگون دوشنبه آمریکا شریک‌لری و متحدلری بیلن افغانستان کیله‌جگی توغریسیده سوزلشوو اوچون آسیا و اروپا گه سفر قیلدیم.»
او، افغانستان وضعیتی خصوصیده خلق ارا جماعه‌‌سی نینگ همکارلیگی‌نی تاثیرلی عنوان قیلگن.
ایتیلیشیچه، بوندن آلدین زلمی خلیلزاد آمریکا نینگ افغانستانده‌گی خاص نماینده‌سی صفتیده فعالیت قیله‌ریدی، جناب خلیلزاد استعفا قیلگیندن سونگ، جناب وست بو پست گه تعیین‌لنگن.
