بادغیس یشاوچیلریدن قطاری نینگ ایتیشلریچه، اوشبو ولایت نینگ قیشلاغ‌ده‌گی یشاوچیلری قشاق‌لیک و کمبغل‌لیک باعث، درختلر اینقسه ارچه درخت‌لرینی کیسیب واولردن قیش موسمی‌ده یاقیلغی ماده اوله‌راق قوللنه‌دیلر.
اولر اوشبو ولایتده میوه‌لی و میوه‌سیز درختلر نینگ ناقانونی شکلده کیسیلیشی خصوصیده خواطر بیلدیریب، مسئوللردن اورمانلر نینگ کیسلیمه‌یشی اوچون عاجل اقدام قیلیب و مخالفلر بیلن قانونی یول باریلیشی نی سوره‌گنلر.
بیزلرنینگ فیسبوک صحیفه‌میزگه باش اورینگ!
بادغیس یشاوچیلریدن بیری محمد‌فهیم هاشمی نینگ سلام‌وطندار گه ایتیشیچه: «اوشبو مملکت رهبرلری و دولتیدن مذکور محیط و منطقه یشاوچیسی صفتیده خواهش قیله‌من که اورمانلر اینقسه ارچه اورمان‌لری نینگ کیسیلیشیچه توسیق بولسینلر که بیزلر پاک بیر محیط‌ده حیات کیچیره‌یلیک.»
بادغیس‌ده ایکینچیلیک ایشلری بوییچه ایش بیلرمانلردن قطاری نینگ ایشانچی گه کوره، درختلر و اورمانلر نینگ کیسیلیشی توپراغ نی بوزیش و محیط نی دغلیگی گه سبب بوله‌دی.
ایکینچیلیک ایشلری بوییچه ایش بیلرمانلردن بیری شمس‌الحق شمس نینگ اورغولشیچه، اسلامی امارت محلی مسئوللری درختلر نینگ کیسیلیشی گه توسیق بولیش اوچون، یشاوچیلر گه قیش موسمی‌ده یانغین بدیلی نی فراهم قیلیشلر کیره‌ک. اونگه کوره، بو زمینه‌ده قیشلاغ یشاوچیلری نی آگاه‌لنتیریلیشی یشاوچیلر گه یاردم بیره‌دی.
شونده‌ی بیرحالده، بادغیس ایکینچیلیک و چارواچیلیک ریاست مسئوللری نینگ ایتیشلریچه، اوشبو ولایتده ارچه درخت‌لریدن کوپینچه‌سی سابق دولت زمانیده کیسیلگن.
بیزلرنینگ توییترده هم تعقیب قیلینگ!
بادغیش ایکینچیلیک و چارواچیلیک ریاست رئیسی محی‌الدین بشری نینگ اورغولشیچه، اسلامی امارت حاضر اورمانلر نی حفاظت قیلیش اوچون بوتون تومنلر گه خاص تیم‌لر نی مقرر قیلگن.
بادغیش محلی مسئوللری نینگ بیاناتی اساسیده، کوپینچه ارچه درختلری اوشبو ولایت نینگ مناطق بند سبزک، آب‌کمری، گنبد قادس، و شهر آرمان منطقه‌لریده قرار تاپگن.
شونینگدیک بوندن آلدین، بادغیس محلی مسئوللری و یشاوچیلری اوشبو ولایتده ارچه درختلری نینگ کیسیلیشیدن خواطر بیلدیریب و ارچه درختلری نینگ کیسیلیشی گه توسیق بولیشلری نی سوره‌گنلر.
