بیرلشگن ملتلر تشکیلاتی نینگ ترقیاتی دستوری مسئوللری گه کوره، سۉنگی اوچ ییلده کیچیک تجارت بیلن شغلنیب کېلگن ۷۵ مینگ عیال گه اوشبو نهاد تامانیدن یاردم کورسه‌تیلگن.
افغانستانده بیرلشگن ملتلر تشکیلاتی نینگ ترقیاتی دستوری باشلیغی استیفن رودریگز سلام‌وطندار بیلن اۉتکزگن صحبتیده، بو ایشلر تیکووچیلیک، قالین توقیش، تولید و آزیق-آوقت نی پروسس قیلیش و باشقه نرسه‌لردن عبارت بولیب و بو ایشلر بیلن عیاللر، عایله اعضالری نینگ احتیاجلرینی تأمینله‌گنینی معلوم قیله‌دی.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «میلادی ۲۰۲۱-ییلدن بیری تورلی ساحه‌لرده کیچیک تجارت بیلن شغلنیب کېلگن ۷۵ مینگ عیالنی قۉللب-قوتله‌گنمیز. تیکووچیلیک، قالین توقیش، لبنیات بیلن شغلنه‌یاتگن کوپنیچه عیاللرنی کورگن من.»
بیرلشگن ملتلر تشکیلاتی یاردملریدن فایده‌لنگن بیرقطار عیاللر نینگ ایتیشلریچه، اوشبو یاردملر بیلن عایله اعضالری نینگ احتیاجلرینی تأمینله‌گنلر.
جوزجان یشاوچیسی و تاووقچیلیک بیر فارم مسئولی سلما، بیرلشگن ملتلر تشکیلاتی تامانیدن قۉللب-قوتلنووچی بیر موسسه تامانیدن اونگه ۳۰ تاووق یاردم بیریلگنینی اېته‌دی. اونینگ کوپه‌یتیریشیچه، تاووقچیلیک فارمی بیلن عایله اعضالری نینگ آزیق-آوقت و باشقه نیازلرینی تأمینله‌یدی.
بیزلرنینگ «ایکس» ترماغی ده هم تعقیب قیلینگ!
اونگه کوره: «بو یاردملر کمبغل عایله‌لر اوچون کتّه یاردم دیر اینیقسه چاروه‌چیلیک، تاووقچیلیک بولیمیده؛ کمبغل عایله‌لر بو یول بیلن احتیاجلرینی تأمینلش اوچون بو یاردملر دوام تاپیشینی اېسته‌یمیز.»
غزنی یشاوچیسی رمزیه، حاضر چاروه‌چیلیک ایشلری بیلن مصروف دیر و بیرلشگن ملتلر تشکیلاتی تامانیدن یاردم کورسه‌تیلگن بو ایش بیلن یخشی درآمدی بارلیگینی اېته‌دی.
اونینگ ایتیشیچه: «ایش فرصتی یره‌تیلگن و یخشی درآمد قیله‌میز؛ منطقه‌میزده خودی مین کبی باشقه نیچه عیال تاووقچیلیک بیلن مصروف دیر.»
صناعت و سودا وزیرلیگی نینگ معلوماتی اساسیده، حاضرگی کونده مرکز و ولایتلرده قریب ۵۰ مینگ عیال نارسمی طرزده تاووقچیلیک، چاروه‌چیلیک، تیکووچیلیک کبی ایشلر بیلن مصروف دیر.
