وال استریت ژورنال کونده‌لیگی نینگ گزارشی گه کور، بیرلشگن ملت تشکیلاتی ، افغانستان اقتصادی قیته جان‌لنتیریلیشی اوچون سکیز میلیارد دالرلیک بودجه نظرگه آلگن. وال استریت ژورنال بو خبرنی بیرلشگن ملت تشکیلاتی نینگ باش کاتبی نماینده‌سی معاونی و افغانستان گه انسانی یاردم‌لر بیردم‌لشتیرووچی‌سی رامز الاکبروف دن نقل قیلیب ترقه‌تگن.
رامز الاکبروف نینگ ایتیشیچه، افغانستان خلقی عزت و امیدگه محتاج دیر و اوتگن ایگیرمه ییل یوتوق‌لری نی قولدن بیریش دن کوره، بیرلشگن ملت‌لر، افغانستان ده سیستیم‌لردن حمایت ایتیشی کیرک. اونینگ تاکیدلشیچه، ملت‌لر تشکیلاتی افغانستان ده بدیل بیر دولت گه ایلنیشی نی ایستمه‌یدی.
بیزلرنینگ فیسبوک صحیفه‌میزگه باش اورینگ!
بیرلشگن ملت‌لر تشکیلاتی نینگ رسمی‌لری نینگ ایتیشیچه، بو تشکیلات کیلگوسی ییل ده افغانستان خذمت ییتکیزیش اوچون ریجه تیارله‌ماقده.
گزارش گه کوره، ملت‌لر تشکیلاتی نینگ بو یاردم‌لردن مقصدی نی، افغانستان ده باله‌لر اوچون مکتب‌لرده سالم اوقت تیارلش، ایش زمینه‌سی یره‌تیشی، افغانستان نینگ برق قرض‌لری نی قوشنی مملکت‌لرگه تولش و حکومتدارلیک سیستمی نی قیته‌قوریشی دیب بولر انسانی یاردم‌لردن تشقری، دیگن.
بو عین حالده که، بیرلشگن ملت‌لر تشکیلاتی نینگ گزارشی اساسی ده، افغانستان نینگ اقتصادی، اسلامی امارت حاکمیت گه ایریشگنی دن سونگ ۴۰ قویی توشگن، و کیتمه کیت نیچه آی گچه دولت ایشلاوچی‌لری گه معاش‌لری تولنمه‌گن.
شونینگ دیک امریکا، افغانستان نینگ ۱۰ میلیارد دالرگه یقین پولی نی توخته‌تگنی، مملکت ده فقر و آچ‌لیک نظیری کوریلمه‌گن درجه ده کوپه‌ییشی گه سبب بولدی.