ملت‌لر تشکیلاتی نینگ امنیتی کینگشی، دوشنبه کونی امریکا تامانیدن افغانستان گه انسانی یاردم‌لر ییتکیزیش قطعنامه‌سی نی متفق رای بیلن تصویب ایتدی.
اسلامی امارت رسمی‌لری بو قطعنامه دن خوش قرشی‌له‌گنلر.
ایش‌بیلرمان‌لر موندی بیر شرایط ده موندی قرارنی فایده‌لی بیله‌دیلر.
ملت‌لر تشکیلاتی نینگ امنیتی کینگشی، دوشنبه کونی امریکا تامانیدن افغانستان گه انسانی یاردم‌لر ییتکیزیش قطعنامه نی متفق رای بیلن تصویب ایتدی.
بو قطعنامه اساسی ده ملت‌لرتشکیلاتی نینگ نهادلری و خلق‌ارا نهادلر، افغانستان گه یاردم‌لر ییتکیزیلیشی اوچون پول قولگه کیلتیریب افغانستان انتقال بیره آله‌دیلر. بو قطعنامه ده طالبان نینگ یاردم ایتیلگن پول‌لر گه ایریشمسلیکلری اوچون شرایط و معیارلر هم نظرگه آلینگن.
اسلامی امارت نینگ سوزلاوچیسی معاونی احمدالله وثیق نینگ ایتیشیچه، امریکا و بیرلشگن ملت‌لر تشکیلاتی نینگ بو آدیمی افغانستان خلقی نینگ کوپینچه قیینچیلیکلری نی حل ایته و بوندی بیز حمایت ایته میز.
بیزلرنینگ فیسبوک صحیفه‌میزگه باش اورینگ!
خلق‌ارا علاقه‌لر بوییچه ایش‌بیلرمان گل محمد گلزی نینگ ایتیشیچه، ملت‌لر تشکیلاتی نینگ بو قراری، اسلامی امارت گه یشیل چراغ کورستیشی دیر. اونگه کوره، دنیا، افغانستان ده بیر آز آلیش بیریش بولیشی اوچون تیاربولگن، و بو افغانستان نینگ منفعتی گه. اونینگ ایتیشیچه، افغانستان حاضر، غیرتولیدی و تشقی مملکت‌لرگه باغلیق بیر اقتصادی بار، شو اوچون، بو یاردم‌لرنی دوام ایتیلیشی کیرک و ایش اهالی نینگ اقتصادی گه مثبت تاثیری بار.
اقتصادی مسله‌لر ایش بیلرمانی سیف الدین سیحون نینگ ایتیشیچه، امریکا نینگ تصویب ایتیلگن بو قطعنامه سی نی یخشی بیر آدیم کوتاریش دیب بیله دی.
او، افغانستان نینگ وضعیت گه کوره، امریکا قوشمه ایالت‌لری تامانیدن پیشنهاد بولگن قطعنامه نینگ تصویب ایتیلیشی، یخشی بیرآدیم کوتاریش، اما اقتصاد یوکسلیشی گه تاثیر قویمه‌یدی و جماعه حمایتی اوچون یخشی بیر ایش. سیحون نینگ ایتیشیچه، افغانستان خلقی‌گه یاردم‌لر ییتکیزیلیشی اوچون بیرلشگن ملت‌لر تشکیلاتی تامانیدن بو قطعنامه نینگ تصویب ایتیلیشی، افغانستان ده انسانی فاجعه نینگ آلدینی آلیشی دیر.
افغانستان ده، بیرلشگن ملت‌لر تشکیلاتی نینگ هیئت معاونی یا یوناما، امنیت کینگشی نینگ قطعنامه سیدن خوش قرشیلب افغانستان خلقی دن حمایت ایتیش اوچون اونملی حرکت دیب بیله دی.