قاچقینلر ایشلری بوییچه بیرلشگن ملتلر تشکیلاتینینگ عالی کمیشنری برهام صالح و بیرلشگن ملتلر تشکیلاتی ترقیات دستوری باشلیغی الکساندر دیکرو، مملکت گه قیتگنلر و یشاوچیلرنینگ تیریکچیلیک وضعیتینی تیکشیریش اوچون کابل گه کیلگنلر.
اسلام امیرلیگی قاچقینلر وزیرلیگینینگ بوگون (۱۴-سرطان، یکشنبه)، اعلام قیلیشیچه، اوشبو وزیرلیک مسلکی معینی عبدالرحمان راشد، کابل خلقارا هوا قونالغهسیده بیرلشگن ملتلر تشکیلاتینینگ اوشبو ایکی رسمینی کوتیب آلگن.
مذکور وزیرلیککه کوره، بیرلشگن ملتلر تشکیلاتینینگ رسمیلری سفریدن مقصد، افغانستان یشاوچیلری اینیقسه مملکتگه قیتگنلرنینگ تیریکچیلیک وضعیتینی یقیندن تیکشیریش و اولرنینگ قیینچیلیکلریگه ییچیم یول تاپیش یوللرینی کوریب چیقیش دیر.
شونینگدیک عبدالرحمان راشد، بو سفرنی افغانستان یشاوچیلری حیاتینینگ حقیقی حالتینی کورسهتیش اوچون بیر امکانیت دیب و ایتیشیچه، قاچقینلر وضعیتیگه توجه قیلیش، اولرنینگ قیینچیلیکلرینی ایشیتیش، نیازلرینی حل ایتیش و مناسب ییچیم یوللرنی تاپیش، انسانی قدرت-قیمتنی سقلش و مملکتگه قیتگنلرنینگ حیات وضعیتینی یخشیلشده مهم اورینگه ایگه دیر.
بیرلشگن ملتلر تشکیلاتینینگ معلوماتی اساسیده، ۲۰۲۳-ییلدن حاضرگچه قریب آلتی میلیون افغانستانلیک مملکت گه قیتگن.
