اوشه کونی یامغیر جوده کوچلی اېدی. درس‌دن چیققن آی‌بیک بیکت‌ده اتوبس کوته‌یاتگندی. بیردن کوزی یول چیتیده تورگن اوسمیر ییگیت گه توشدی. او جوده یینگیل کیگن اېدی، یامغیردن حمایه‌لنیش اوچون اوستیده فقط یوپقه جاکتی بار اېدی.
آی‌بیک اونگه یقینلشدی و دیېدی:
-سایه‌بانیم آستیگه کیرینگ، ساوقاتیب قاله‌سیز!
ناتنیش ییگیت دستلب حیران بولیب، سۉنگره التفات بیلن اونینگ سایه‌بانی آستیگه کېردی. ایکّی یاش شو کونی تنیشیب آلیشدی. اوشه ییگیت‌نینگ اسمی جولان اېکن. او یقینده شهرگه کوچیب کېلگن، عایله‌سی اونچه به‌دولت اېمس اېدی. آی‌بیک و جولان آره‌سیده تیزده صمیمی دوست‌لیک باشلندی.
بیزلرنینگ فیسبوک صحیفه‌میزگه باش اورینگ!
آی‌بیک هر دایم جولان‌نینگ یانیده بولیشگه، اونی قۉللب-قوتلشگه حرکت قیلر اېدی. آته-آنه‌سی اونگه ینگی کییم یاکه کتاب آلیب بیرسه، درحال جولان بیلن بهم کوریشگه آشیقردی.
کونلر اوتدی، ییللر کېتیدن ییللر اوتدی. آی‌بیک و جولان اوقیشنی تمام‌لشدی، یوللری وقتینچه ایریلدی. آی‌بیک چیت‌ایل گه اوقیشگه کېتدی، جولان اېسه عایله‌سیگه یاردم بیریش اوچون شهرده ایشلش‌نی باشله‌دی.
آره‌دن اوزاق وقت اوتدی. بیر کونی آی‌بیک آغیر وضعیت گه توشدی. قلبن توشکون، یاردم گه محتاج بولیب قالدی. اۉز یورتی گه قیتیب کېلگچ، اۉزینی جوده یالغیز سېزدی. شونده تلفونیگه بیگانه رقم‌دن قونغیراق بولدی.
بیزلرنینگ «ایکس» ترماغی ده هم تعقیب قیلینگ!
-السلام علیکم، آی‌بیک اکه. مین جولان من. سیزنی اوزاق قیدیردیم، یخشی ایکنینگیزنی ایشیتیب جوده قوواندیم. بیرار یاردم کېره‌ک اېمس می؟
آی‌بیک‌نینگ کۉزلریگه یاش قلقیب چیقدی. یامغیرلی کونده بیریلگن سایه‌بان آستیده‌گی مهر-عاقبت، آره‌دن نیچه ییل اوتگن بولسه هم اوچمه‌گن اېکن.
حقیقی دوست‌نینگ سِری هم شونده اېدی. انسان قلبی‌گه بیر مرته اېکیلگن مهر اوروغی هېچ قچان سونمه‌یدی.
اۉگیرووچی: نصرت‌الله احدی
