افغانستان وضعیتی خصوصیده قوشنی مملکت‌لر تشقی ایشلر وزیرلری نینگ اوچینچی ییغینی کیلگوسی میلادی آی (مارچ) آخری هفته‌سیده چین پایتختی پکن‌ده اوتکزیلیشی کوتیله‌دی.
پاکستان تشقی ایشلر وزیری شاه‌محمود قریشی، چین گه تورت کون‌لیک سفری یکونیده، اوشبو مملکت باش وزیری بیلن مطبوعاتی ییغینده اشتراک ایتیب ایتیشیچه، پکن و اسلام‌آباد منطقه‌وی همکارلیک‌لر اینیقسه افغانستان گه یاردم بیریش خصوصیده مهم کیلیشوولر گه قول تاپگن‌لر.
بیزلرنینگ فیسبوک صحیفه‌میزگه باش اورینگ!
پاکستان میدیالری اوشبو مملکت تشقی ایشلر وزیری‌دن نقل قیلیب گزارش بیریشلریچه، افغانستان گه قوشنی اولکه‌لر نینگ اوچینچی ییغینی مارچ آی آخرگی هفته سیده یولگه قویلیشی ممکن.
قریشی نینگ اورغولشیچه، اسلامی امارت تشقی ایشلر وزیری افغانستان گه قوشنی مملکت‌لر تشقی ایشلر وزیرلری نینگ ییغینی سونگی‌ده شرکت قیلیب، افغانستان نینگ وضعیتی‌گه دایر بو مملکت‌لرنی آگاه لنتیریشی کوتیله‌دی.
قریشی نینگ ایتیشیچه، اوز ارا همکارلیک‌لرنی کینگه‌یتیریش اوچون پاکستان، چین و افغانستان نینگ قوشمه اویوشمه‌سی قیته تیکله‌نیشی خصوصیده کیلیشیلگن.
افغانستان گه قوشنی مملکت‌لر نینگ بیرینچی ییغینی ۱۷ سنبله، پاکستان میزبان لیگی و ایکینچی ییغینی ۵ عقرب، ایران میزبان‌لیگی بیلن اوتکزیلگن ایدی.
بیزلرنینگ فیسبوک صحیفه‌میزگه باش اورینگ!
مذکور ایکی ییغینده، افغانستان گه قوشنی اولکه‌لر اوشبو مملکت بحرانی‌گه سیاسی ییچیم یول تاپیش، همه شمول حکومت شکللنیشی و افغانستان گه انسان پرورلیک یاردم‌لر دوام ایتیشی اوستیگه تاکید ایتیلگن.
چین و پاکستان رهبرلری، پاکستان و ایران ده‌گی ایکی ییغین نتیجه‌سینی موفقیتلی بهالب، چین‌ده اوتکزیله دیگن اوچینچی ییغین نتیجه بیریشی گه امید بیلدیرگن‌لر.