مملکت جمهور رئیسی محمد اشرف غنی قطر‌گه قیلگن سفری جریانیده اوشبو مملکت امیری تمیم حمد آل‌ثانی بیلن اوچره‌شگنیدن سونگ، منازعات و بشری مسایل‌لر مطالعات مرکزیده تینچلیک اهمیتی خصوصیده صحبت اوتکزگن.

جناب غنی نینگ ایتیشیچه، افغانستانده دوام‌لی اوروش بولگنی سبب، تینچلیک ارزشی‌نی باشقه‌لردن کوره یخشی بیله‌دی.

جناب غنی‌گه کوره، افغانستان یشاوچی‌لریدن ۷۵% ۳۰ یاشرلیک‌نی تکمیل قیلمه‌گن و یاش‌لردن کوپ قطاری طالبان نینگ ۵ ییل‌لیک حکومتی‌نی تجربه قیلمه‌گن و طالبان گروهی‌نینگ اوشبو نسل‌نی درک قیلیشی کیره‌ک. اونینگ ایتیشیچه، دموکراسی بولمه‌گن صورتده، افغانستانی مدیریت قیلیش ناممکن دیر.

عین‌حالده، خلق ارا ایش‌لری بوییچه ایش بیلرمانلردن بیری حمید عزیزی نینگ سلام‌وطندارگه ایتیشیچه، جمهور رئیس غنی سیاستچی‌لرنینگ قطر‌گه قیلگن سفریدن خواطر‌گه دیر و انه‌شو سبب، اوشبو مملکت‌گه سفر قیلگن.

اونینگ کوپه‌یتیریشیچه، جمهور رئیس غنی افغانستان تینچلیک بولیمیده اوزی‌نی فعال کورستیش اوچون سعی و حرکت قیله‌دی.

بیراق، خلق ارا ایشلری بوییچه ایش بیلرمان‌لردن باشقه بیری محب شریف نینگ ایتیشیچه، جمهور رئیس غنی دولت و طالبان گروهی نینگ ۳ هفته‌لیک مذاکره‌سیگه قرشی بولگن قیین‌چیلیک‌لرنی حل قیلیش اوچون قطرگه بارگن. اونینگ ایتیشیچه، افغانستان دولتی و طالبان نماینده‌لری نینگ سوزلشوولری قیین‌چیلیک بیلن دوچ کیلگن بیرحالده، ینگی اوینچی‌لرنی دخالت قیلیشی کیره‌ک.

مملکت جمهور رئیسی محمداشرف غنی دوشنبه کونی دولتی بیر هیات باشلیغی‌ده بیرینچیدن کویت گه باریب و اوندن سونگ قطرگه سفر قیلگن.

کلیدی کلمه‌لر:

شریک قیلینگ:
به اشتراک گذاری بر روی facebook
به اشتراک گذاری بر روی twitter
به اشتراک گذاری بر روی telegram
به اشتراک گذاری بر روی whatsapp
به اشتراک گذاری بر روی email
به اشتراک گذاری بر روی print
خبر اوقووچی
تیگیشلی خبرلر و تحلیل‌لر

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

فیسبوک

توییتر

تلگرام