تخار ولایتی بوییچه معلومات و مدنیت ریاستی باشلیغی انصارالله انصار نینگ سلام‌وطندارگه ایتیشیچه، اوشبو ولایت نینگ بنگی تومنیده ناقانونی قومندان‌لردن بولمیش حاجی فتح نینگ قرارگاهی‌دن ایکی کیشی نینگ جسد تاپیلگن.
بیزلرنینگ فیسبوک صحیفه‌میزگه باش اورینگ!
جناب انصار گه کوره، تاپیلگن جسدلر تخار ولایتی نینگ اشکمش تومنی یشاوچی‌لریدن ایکن و اقارب‌لری نینگ ایتیشیچه، مذکور کیشی‌لر ۸ آی آلدین تخار-قندوز قتناو یولی نینگ «چشمه بنگی» منطقه‌سیده قومندان فتح گه تیگیشلی قوراللی کیشی‌لر تامانیدن اوغیرلنگن ایکنلر.
تخار ولایتی بوییچه معلومات و مدنیت ریاستی باشلیغی نینگ کوپه‌یتیریشیچه، تاپیلگن جسدلر اوتگن کونی اقارب‌لریگه تاپشیریلگن.
اولدیریلگن کیشی‌لرنینگ اقارب‌لری، طالبان گروهی دن انسانیت‌گه قرشی بولگن بو واقعه مسوول‌لرینی قولگه آلیب قانونگه تاپشیریشی‌نی سوره‌گنلر.
بیزلرنینگ فیسبوک صحیفه‌میزگه باش اورینگ!
ایتیلیشیچه، قومندان فتح سابق حکومت دوریده قندوز ولایتی نینگ خان‌آباد تومنیده فعالیت قیله‌دیگن ناقانونی قومندان ایکن و شخصی خصومتلر سبب، اوشبو ولایت‌نی ترک قیلیب تخار ولایتی نینگ بنگی تومنی‌نی «چشمه بنگی» منطقه‌سیده قرارگاه قورگن ایدی.
