جوزجان ولایتی قاچقینلر ریاستی مسئوللری، اوشبو ولایتده ۱۶ میلیون افغانی‌لیک قالین توقیش و پروسس قیلیش بیر مرکز نینگ تمل تاشی قوییلگنینی معلوم قیله‌دیلر.
جوزجان ولایتی محلی مسئوللری، بو اداره همکار موسسه‌لر نینگ مالی یاردمی بیلن اوشبو ولایت نینگ آقچه تومنی «نوآباد» قیشلاغیده ۱۶ میلیون دن آرتیق افغانی عوضی گه، قالین توقیش و پروسس قیلیش بیر مرکز نینگ تمل تاشی قوییلگنینی اېته‌دیلر.
بیزلرنینگ فیسبوک صحیفه‌میزگه باش اورینگ!
شونینگدیک، قاچقینلر وزیرلیگی نینگ مسلکی معینی عبدالرحمان راشد جوزجان ولایتی گه قیلگن سفری دایره‌سیده اوشبو مناسبت بیلن یولگه قوییلگن احتفالگه قتنشیب، اسلام امیرلیگی اولکه یشاوچیلری گه ایش زمینه‌لرینی یره‌تیش اوچون سعی-حرکت قیلماقده‌لیگیدن ایشانچ بیلدیرگن.
اونگه کوره، بو مرکز قالین توقیش صناعتی رواجلنیشی و اوشبو تومن یشاوچیلری ایش بیلن تأمینلنیشی مقصدیده قوریلگن.
اوشبو احتفالده نطق سۉزله‌گن جوزجان حاکمی گل‌حیدر شفق، اسلام امیرلیگی اولکه یشاوچیلرینی ایش بیلن تأمینلش، صناعت و سودا قۉللب-قوتلنیشی مقصدیده سعی-حرکت قیلماقده‌لیگینی معلوم قیلگن.
بیزلرنینگ «ایکس» ترماغی ده هم تعقیب قیلینگ!
شو بیلن بیرگه، جوزجان ده «پک» اداره‌سی وکیلی ذبیح‌الله اچکزی، بو لایحه ۱۶ میلیون ۲۷۲ مینگ افغانی عوضی گه بیرلشگن ملتلر تشکیلاتی نینگ قاچقینلر ایشلری بوییچه عالی کمیسارلیگی نینگ مالی حمایتی بیلن آلتی آی ایچیده قوریلیشینی معلوم قیله‌دی.
جوزجان ولایتی آقچه تومنی نینگ قریب ۸۰ فایز اهالیسی قالین توقیش ایشلری بیلن مصروف دیر و اوشبو مرکز قوریلیشی بیلن ۵۰۰ دن آرتیق کیشی ایش بیلن تأمینلنیشی کوتیله‌دی.
نیچه کون آلدین، بلخ ولایتیده عیاللر اوچون قالین توقیش و پروسس قیلیش بیر مرکز آچیلگن اېدی.
