کنر، تاغلی و یم یشیل ولایتلردن بیری بولیب، عایلهلردن قطاری چاروهچیلیک بیلن شغللنگن. بو ولایتده عیاللردن کوپینچهسی ایرککلر یانیده چاروهچیلیک اینیقسه تاووقچیلیک و سیگیرچیلیک بولیملریده ایشلهب، عایله نیازلرینی تامینلشگه حصه قوشهدیلر.
کنر ولایتی اسمار تومنی یشاوچیسی بولمیش نفیسهنینگ ایتیشیچه، کیچیک تاووق ییتیشتیریش فارمیگه ایگه بولیب و بو یول آرقهلی اقتصادی نیازلریدن بیر قطارینی تامینلهیدی. «شکر عایلهم مینی حمایت قیلهدی و تاووق ییتیشتیریش بولیمیده ایشلهیمن، عایله درآمدیدن قریب ۳۰ فایزینی تامینلهیمن.»
بیزلرنینگ «ایکس» ترماغی ده هم تعقیب قیلینگ!
نفسیه، تاووقلریدن قطارینینگ وقتیده دوالنمسلیک سبب قولدن بیریشی و دارو کملیگی قیینچیلگی بیلن روپهره بولگنینی بیان قیلیب و کوپهیتیریشیچه: «تخنیکی و مالی حمایتلر دوام قیلگنیده فعالیتیمیز کوچهیهدی؛ بیراق یاردملر توختهگنی صورتده، اقتصادی قیینچیلیک سبب تاووقلرنینگ ییتیشتیریلیشی قیین بولهدی. مسئوللردن چاروهچیلیکنینگ رواجلنیشی اوچون حمایت و ییترلی همکارلیک قیلیشلرینی ایستهیمیز.»
تاووق ییتیشتیریش فارمیگه ایگه بولگن کنر ولایتی نرنگ تومنیدهگی چاروهدار عیاللردن باشقه بیری خالدهنینگ ایتیشیچه: «ایشیمیز یخشی دیر، لیکن تاووقلرنی سقلش اوچون درست جاییمیز یوق. هوا ایسیشی سبب تاووقلر کسل بولهدی. چاروهچیلیک فایدهلی بیر ایش دیر. مسئوللردن اقتصادی وضعیتیمیز یخشیلنیشی اوچون کوپراق مالی یاردم بیریب و حمایت قیلیشلرینی ایستهیمیز.»
شونینگدیک مذکور ولایت واتهپور تومنی یشاوچیسی زاهده، عایلهسی بیلن سیگیر ییتیشتیریشگه شغللنگن. اونینگ ایتیشیچه، عایله نیازلریدن ۶۰ فایزینی بو یول آرقهلی تامینلهیدی؛ بیراق سیگیرلرینینگ سقلنیشی اوچون مناسب باشپنه قوریلیشی بولیمیده همکارلیککه نیازی بار. اونگه کوره: «اساسی قیینچیلیگیمیز سیگیرلر اوچون باشپنه یوقلیگی دیر. یازده اونچه قیین بولمهیدی، لیکن قیشده هوا ساووقلیگی اوچون کوپ قیینچیلیککه قالهمیز. بو توغریده کوپینچه حمایتگه نیازمیز بار. یاردم بیریلگنی صورتده، فعالیتیمیزنینگ کوچهیتیره آلهمیز.»
شوندهی بیرحالده، کنر ایکینچیلیک ریاستینینگ تخنیکی مصلحت بیرووچیسی سید حفیظالله ساداتنینگ ایتیشیچه، عایلهلر چاروهچیلیک بولیمیده فعالیت قیلیش بیلن عایله اقتصادیگه یاردم بیره آلهدیلر. اونینگ کوپهیتیریشیچه، بو ولایتده عیاللردن قریب ۴۰ فایزی ایکینچیلیک و چاروهچیلیک بولیملریده فعالیت قیلیب و بو ریاست، مذکور عیاللردن حمایت قیلیش و تخنیکی مصلحت بیریشگه تیار دیر.
جناب ساداتگه کوره: «چاروهدار عیاللرنی قوللب-قوتلش اوچون بیر ییللیک برنامهمیز. اونی وزیرلیک و مالی حمایتچیلرگه شریک قیلگنمیز و بودجه قولگه کیتیرگنیمیزده، باغچه، سیگیردارلیک، گلخانه و ایکینچیلیککه تیگیشلی فعالیتلرگه صرفلهیمیز. هر ییلی قریب ۴۰ فایز عیال گه ایش فرصتلرینی یرهتهمیز و عیال استادلر همکارلیگی بیلن اولرگه تعلیم بیریلیش امکانیتینی یرهتهمیز که اولر چاروهدارلیک فعالیتلرینی رواجلنتیریش، بازارنی سقلش و محصوللرینینگ بازار گه ساتیشنی بیلسینلر. کیلهجکده هم عیاللر ظرفیتینی آشیریش اوچون بیر قطار برنامهلرنی نظرگه آلگنمیز.»
شونینگدیک بیلیم یورت استادی شاهداللهنینگ اورغولشیچه، عیاللر ظرفیتی آشیریلیشی اینیقسه تاووق ییتیشتیریش، تخم قوییش ماشینلری و سیگیر ییتیشتیریش بولیمی اوچون جدی اقداملر عملگه آشیریلیشی کیرهک.
بیزلرنینگ فیسبوک صحیفهمیزگه باش اورینگ!
اونینگ کوپهیتیریشیچه، بیراز توجه و حمایت بیلن عیاللر اقتصادی حیاتیگه ایجابی تاثیر قوییش ممکن. «کنر ده، کابل و ننگرهار کبی اونچهلیک فرصت و آسایشتهلیک یوق، مذکور ولایتلرده تورلی موسسهلر فعالیت قیلهدی. عیاللرگه سیگیر و تاووق ترقهتیلهدی و شونینگدیک اولرنینگ قیینچیلیگی حلی اوچون اوسکونهلر بیریلهدی، بیراق کنر ده بو اقداملر کوپ آز دیر. فرهنگی چیکلاولر و اهالینینگ اونچه قیزیقمسلیگی اوچون چاروهچیلیک ایشلردن کوپینچهسی ایرککلر آرقهلی عملگه آشیریلهدی. شوندهی بیرحالده، بیر قطار موسسه عیاللرگه تاووق ییتیشتیریش، تخم قوییش ماشینلریدن فایدهلنیش و سیگیر سقلش بولیمیده یاردم بیرگن. بو فعالیتلر کوپهیگنیده، ایجابی تاثیرینینگ حس بولیشی ممکن.»
عیاللرگه کوپینچه اوی ایشلریده مشغولیت و ییترلی امکانیتلر یرهتیلگنی صورتده، بو ولایتلر و قیشلاقلرده اقتصادی همده عایلهوی ترتیبنی مستحکملشده مهم رول اوینهشی ممکن.
