کانادا باش‌وزیری جاستین ترودو، القاعده ترماق رهبری ایمن الظواهری نینگ اولدیریلگنی نی «دنیا تینچلیگی» اوچون آدیم عنوان قیلگن.
بوگون کانادا باش‌وزیری توییتر صحیفه‌سیده یازگن که: «کانادا خلق‌ارا شریک‌لری بیلن ترورچیلیک تهدید‌لری گه قرشی کوره‌ش، تینچ‌لیک و خوفسیزلیک نی کوچلنتیریش و دنیا بویلب اهالی نی حفاظت قیلیش اوچون ایشله‌یدی.»
بیزلرنینگ توییترده هم تعقیب قیلینگ!
باشقه بیر تامان‌دن، سعودی عربستان نینگ رسمی آژانسی (واس) بوگون ایرتنگ چاغی اوشبو مملکت تشقی ایشلر وزیرلیگی نینگ پیامینی ترقه‌تگن که اونده القاعده رهبری نینگ اولدیریلیشی خوش قرشی‌لنگن.
سعودی عربستان تشقی ایشلر وزیرلیگی نینگ پیامیده کیلیشیچه، ایمن الظواهری «تروریسم ییتکچیلریدن» بیری ایدی، آمریکا و سعودی عربستان ده نیچه قانلی عملیات نی ریجه‌لشتیریب و عملگه آشیرگن.
بیزلرنینگ فیسبوک صحیفه‌میزگه باش اورینگ!
ایمن الظواهری مصرلیک ایدی. او القاعده شبکه‌سی نینگ سابق رهبری اسامه بن‌لادن اولدیریلیشیدن کیین، مذکور شبکه نینگ رهبری تعینلندی.
آمریکا جمهور باشلیغی جوبایدن دوشنبه کونی تلویزیونی بیاناتیده، القاعده رهبری ایمن الظواهری، اوشبو مملکت نینگ اوچووسیز اوچاقی هجومیده افغانستان پایتختی کابل قلبی ده، اولدیریلگنینی اعلام قیلدی.
