بوگون کابل‌ده ایکینچیلیک، چارواچیلیک و سوغاریش وزیرلیگی تامانیدن، دهقان بیرمی و ایکینچیلیک محصولات کورگزمه‌سی یولگه قوییلدی. مذکور وزیرلیک مسئول‌لری نینگ ایتیشلریچه، دهقان بیرمی و ایکینچیلیک محصولات کورگزمه‌سی، ایکینچیلیک محصولات‌لرنی قوللب قوتلش و وطنی محصولات‌لر گه بازار تاپیش اوچون یولگه قوییلگن و اوچ کونگچه دوام تاپه‌دی.
ایکینیچلیک، چارواچیلیک و سوغاریش وزیرلیگی نینگ سرپرستی عبدالرحمن راشد، سوداگرلر و سرمایه یاتقیزووچیلردن، ایکینچیلیک سکتوری رواجلنیشی اوچون مملکت‌ده سرمایه یاتقیزیش‌لرینی طلب قیله‌دی.
بیزلرنینگ فیسبوک صحیفه‌میزگه باش اورینگ!
جناب راشد نینگ ایتیشیچه، زوردن آلینگن ییرلرنی آلیش جریانی دوام ایتماقده و اوشبو وزیرلیک، مذکور ییرلرنی قیته آلیش بیلن، مملکت‌نی ایکینچیلیک نقطه‌ی نظردن اوزینی اوزی تأمینلش گه سوق بیریش اوچون سعی-حرکت قیلماقده.
ایکینیچلیک و چارواچیلیک وزیرلیگی نینگ سرپرستی عبدالرحمن راشد نینگ ایتیشیچه: «دهقان بیرمی و ایکینچیلیک کورگزمه‌لری، ایکینچیلیک محصولات گه بازار تاپیش اوچون اونملی دیر. بوگون اوشبو کورگزمه‌ده یوزلرچه غرفه‌ده ایکینچیلیک، چارواچیلیک محصولات و قول صناعتی همده ایکینچیلیک اوسکونه‌لری و پروتوز محصولاتی اشتراک گه قوییلگن.»
باشقه تاماندن، ایکینچیلیک، چارواچیلیک و سوغاریش وزیرلیگی نینگ ایتیشیچه، مملکت بویلب تخمیناً ۲۵ میلیون ثمره‌لی و ثمره‌سیز نهال ایکیلگن و اولکه یشاوچیلری اوشبو ملی پروسه‌ده کینگ کولمده حصه قوشیش‌لری کیره‌ک.
اوشبو برنامه‌ده مملکت باش وزیری نینگ بیرینچی اورین باسری و اسلامی امارت اقتصادی کمیسیون باشلیغی ملا عبدالغنی برادر نینگ ایتیشیچه، افغانستان نینگ ایکینیچلیک محصولاتی چیت ایل گه صادر ایتیلیب و سوداگرلر، ایکینچیلیک وزیرلیگی و دهقان‌لر بیلن همکارلیک قیلیش‌لری کیره‌ک. او سوزلری دوامیده، ایکینچیلیک ملی پروژه آچیلیشیدن خبر بیردی. اونگه کوره، مذکور پروژه چوکاتیده ایکینچیلیک سکتوری اوزینی اوزی تأمینلش گه یقینله‌شی ممکن.
بیزلرنینگ توییترده هم تعقیب قیلینگ!
ملا عبدالغنی برادر نینگ ایتیشیچه: یقینده ایکینچیلیک بویوک بیر پروژه آچیله‌دی و اوشبو پروژه‌لر کون‌لر و آی‌لر دوام ایتمه‌یدی بلکه تیزلیک بیلن عملی ایتیله‌دی.»
ایکینچیلیک، چارواچیلیک و سوغاریش وزیرلیگی نینگ مسئول‌لری گه کوره، افغانستان نینگ ایکینچیلیک محصولات‌لری دنیا بازارلریده حمایت بولگن تقدیرده، اوشبو سکتور درآمدی آشیشی ممکن.
بو سوزلر عین‌حالده آچیقلنماقده که، مملکت دهقان‌لری اسلامی امارت‌دن، ایکینیچلیک رواجلنیشی و ترقیاتی اوچون دقت قیلیش‌لرینی سوره‌یدیلر.
