افغانستان رسانه مسئوللری و خبرچی‌لردن بیر گروهی، افغانستان سوز ایرکین‌لیگی اویی نینگ ایجاد قیلگن. سوزایرکین‌لیگی اویی نینگ مقصدی، کینگ بیر جمع ایجاد قیلیش و رسانه ایشلاوچی‌لری و خبرچیلر اوچون مسلکی صنف ایجاد قیلیش دییلگن.
مذکور نهاد خبرچیلر و رسانه مسئوللری نینگ حضوریده بیرینچی رسمی همایش یولگه قوییش بیلن سوز ایرکین‌لیگی اوچون فضا نی خواطرلی دیب و تینچلیک سوزلشوولری نینگ تامان‌لریدن سوزایرکین‌لیگی نینگ سقلش و حمایت قیلیش‌لری اوستیگه کیلیشیش‌لرینی سوره‌گن.
افغانستان سوز ایرکین‌لیگی اویی بیر اعلامیه آرقه‌لی ایتیشیچه، تینچلیک سوزلشوولریده سوز ایرکین‌لیگی سیاسی معامله‌لرگه قربان بولمه‌سلیگی نی کوتیب تورگن. مذکور نهادنینگ اعلامیه‌سی اساسیده، اوتگن ۶ آیده ۱۰ خبرچی و رسانه ایشلاوچیسی زوروانلیکلر و ریجه‌لنگن قتل‌لرگه قربان بولگن.
افغانستان سوز ایرکین‌لیگی اویی، خبرچیلر و باشقه تینچ‌اهالی نینگ اولدیریلیشی تیزلیککه توخته‌تیلیشی نی سوره‌ب و ایتیشیچه، خبرچیلرگه قرشی قتل و زوروانلیک قضیه‌لری تیزلیککه تیکشیریلیشی کیره‌ک.
عین حالده، مذکور ییغینده معلومات و مدنیت وزیرلیگی سرپرستی محمدطاهر زهیر، تینچلیک سوزلشوولری نینگ میزی ده رسانه‌لر نماینده‌لری نینگ حضوری اوستیگه اورغولب ایتیشیچه، تینچلیک سوزلشوولرده خبرچیلرنینگ اورنی بوش بولمه‌سی کیره‌ک.
بو بیانات ارایه ایتیلگن بیرحالده، تینچلیک سوزلشوولری باشلنگنیدن کیین خبرچیلرگه قرشی زوروانلیک و ریجه‌لنگن قتل‌لر میزانی یوقاری کیتگن.
