ننگرهار ولایتی نینگ ۱۱ تومنیده کمیده ۶۵ مینگ هکتار ییرده اورمان، میوه‌لی و میوه‌سیز درخت‌لر موجود دیر و بو جمله‌دن ۱۸% نی جلغوزه درخت‌لری تشکیل بیره‌دی.
بیزلرنینگ فیسبوک صحیفه‌میزگه باش اورینگ!
ننگرهار ولایتی بوییچه ایکینچی‌لیک و چارواچیلیک ریاستی مسوول‌لری نینگ اورمانلردن حفاظت قیلیش اوچون قومی کیلیشوونی اونملی عنوان قیلیب ایتیش‌لریچه، اهالی و حکومت نینگ طبیعی منبعلردن یخشی شکلده حفاظت قیلیشی کیره‌ک.
ننگرهار ولایتی بوییچه ایکینچی‌لیک و چارواچیلیک ریاستی سوزلاوچیسی اجمل سبحانی نینگ ایتیشیچه، اوشبو ولایتده اورمان‌لرنی ناقانونی شکلده کیسیلیشیگه توسیق بولیش اوچون عامه‌گه معلومات بیریش جریانی باشلنگن.
ننگرهار ولایتی نینگ بیرقطار منطقه‌لریده اورمان‌لرنینگ ناقانونی شکلده کیسیلیشی خصوصیده خواطرلر موجود دیر و اوشبو ولایت یشاوچی‌لری اسلامی امارت دن بو ایش‌گه توسیق بولیشی‌نی سوره‌گنلر.
ننگرهار یشاوچی‌لریدن بیرقطاری نینگ طبیعی منبعلردن حفاظت قیلیش اوچون قومی سعی و حرکت‌لرنی اونملی عنوان قیلیب ایتیش‌لریچه، اورمانلردن حفاظت قیلیش اوچون حکومتدن حمایت قیله‌دیلر.
ننگرهار ولایتی بوییچه ایکینچی‌لیک ریاستی مسوول‌لری نینگ ایتیش‌لریچه، اوشبو ولایتده اورمانلر و ایکینزارلردن حفاظت قیلیش‌گه جدی دیرلر و اوز باشیمچه‌لیک اقدام قیلگن کیشی‌لر بیلن قانون گه کوره یول باریله‌دی.
بیزلرنینگ فیسبوک صحیفه‌میزگه باش اورینگ!
ننگرهار و نورستان ولایتلریده اورمانلر و طبیعی منبعلر کوپ دیر، لیکن اوروش‌لر و ناتینچلیکلر سبب، مذکور اورمانلردن کته بیر بولیمی کیسیلیب و قاچاق آرقه‌لی تشقی مملکت‌لرگه انتقال بیریلگن.