سرپرست حکومت ساغلیق‌نی سقلش وزیرلیگی مسئوللری، کسلخانه‌لرده قان کوپ کېره‌ک بولماقده اېکن، رمضان مبارک آیی‌ده قان ساوغه قیلیش کمه‌یشینی معلوم قیله‌دیلر.
ساغلیق‌نی سقلش وزیرلیگی سۉزلاوچیسی شرافت زمان امرخیل، اولکه یشاوچیلریدن رمضان مبارک آیی‌ده مرکز و ولایت‌لرده ملی قان بانک‌لریگه قان ساوغه قیلیش‌لرینی سوره‌یدی.
اونینگ ایتیشیچه: «رمضان‌ده قان بانک‌لری قان تنقیص‌لیگی بیلن روپه‌ره بوله‌دیلر؛ شونی اوچون یاشلر کسل وطنداشلرنینگ قوتقریش اوچون مرکز و ولایت‌لرده قان بانک‌لری گه مراجعت قیلیب قان ساوغه قیلیش‌لری کېره‌ک.»
بیزلرنینگ فیسبوک صحیفه‌میزگه باش اورینگ!
عین‌حالده، ملی قان بانک مسئوللری‌نینگ ایتیشلریچه، هر کونی ۲۰۰ مینگ سی‌سی قان کېره‌ک. ملی قان بانکی آمری سیف‌الرحمان پشتون، ساوغه قیلینگن اېنگ کوپ قان تالاسمی، هموفیلی و نسایی-ولادی کسللری گه بیریلیشینی معلوم قیله‌دی.
اونینگ کوپه‌یتیریشیچه: «هر کونی کسللر اوچون ۱۸۰ مینگ دن ۲۰۰ مینگ سی‌سی قان کېره‌ک.»
باشقه تاماندن، کسل‌دارلردن بیرقطاری ملی قان بانکی‌ده قان تنقیص‌لیگیدن شکایت قیلیب و ساغلیق‌نی سقلش وزیرلیگی‌دن مرکز ولایت‌لرده کمپاین اوتکزیب و احتیاجلری بولگن قان‌نی تأمین اېتیش‌لرینی سوره‌یدیلر.
بیزلرنینگ «ایکس» ترماغی ده هم تعقیب قیلینگ!
کابل‌لیک ساحل، اوچ عایله اعضاسی تالاسمی کسلی گه چلینگن ایتیشیچه، اوشبو کسللیک طفیلی سینگلیسینی قولدن بیرگن و حاضر ایکّی ایناغه‌سی بو کسللیکّه چلینگن.
اونینگ کوپه‌یتیریشیچه، هر آی آلتی مرته اولر اوچون قان تیارلشی کېره‌ک. «هر کونی ۱۰ ساعت اهالی‌دن قان آلیش اوچون کوتگن من؛ لېکن تاپیلمه‌گن. اهالی‌دن ملی قان بانکی گه قان بیریش‌لرینی اېسته‌یمن.»
کابل‌لیک فریده، ایکّی باله‌سی تالاسمی کسلی گه چلینگن، یشاوچیلردن محتاج کسللر گه قان ساوغه قیلیش‌لرینی سوره‌یدی.
اونگه کوره: «قان بانکی بولمسه و باشقه بو بانک گه قان ساوغه قیلمسه‌لر، باله‌لریمیز وفات اېته‌دی و دوالنمه‌یدی. میوند و صحت طفل کسلخانه‌لری بیز گه جواب بیردی و قان ساوغه قیلیش باله‌لریمیزنینگ قوتقریشی گه سبب بوله‌دی.»
شو بیلن بیرگه، ملی قان بانکی‌ده‌گی شفاکارلردن بیرقطاری، رمضان آیی‌ده قان ساوغه قیلیش نه‌فقط خطری یوق؛ بلکه محتاج کسللرنی قوتقریشی گه سبب بولیشینی اېته‌دی.
ملی قان بانکی‌ده فیزیکی معاینه‌لر شفاکاری صفی‌الله مصلح گه کوره: «رمضان آیی‌ده قان بیریش هېچ کیم گه نقص قیلمه‌یدی و بو اهالی اورته‌سیده‌گی بیر قورقینچ دیر. یشاوچیلردن رمضان آیی‌ده قان ساوغه قیلیش اوچون قان بانک‌لریگه مراجعت قیلیش‌لرینی اېسته‌یمن.»
بوندن آلدین، محتاج کسللرنی قۉللب-قوتلش اوچون کابل و مملکت‌نینگ باشقه بیرقطار ولایت‌لری‌ده قان بیریش کمپاین‌لری اوتکزیلگنی اېتیله‌دی.
