سلام‌وطندار اختیاری‌ده قرار تاپگن مکتوب گه کوره، مالی ییل ملی بودجه‌سی کسر بیلن روپه‌ره بولگن و کوپراق کسر بولیش احتمالی بار.
اوشبو مکتوب جاری قویاش ییل ۱۶ سرطان ده مالیه وزیرلیگی سرپرستی محمدخالد پاینده تامانیدن امضا ایتیلیب بوتون اداره‌لرنینگ خزانه و بودجه ریاست‌لریگه یوباریلگن. مذکور مکتوب ده ایتیلیشیچه، بودجه‌وی واحدلرنی عادی و کینگی‌تیریش بودجه خره‌جتی ده صرفه‌جویی‌لیک نی رعایت قیلیش‌لری ایتیلگن.
مکتوب اساسی‌گه مملکت امنیتی و ساغلیک سکتورلری نینگ خره‌جت‌لری یوقاری کیتگنی و ایچکی درآمد و خلق ارا یاردم‌لرنینگ کم‌لیگی سبب، ملی بودجه کسر بیلن روپه‌ره بولگن.
مکتوب ده ایتیلیشیچه، ملی و حربی ایشلاوچی‌لر حقوق‌لرینی زمانیده توللنیشی و بودجه کسری نینگ کوپه‌یشی‌گه توسیق بولیش اوچون عادی و انکشافی بودجه خره‌جتی ده صرفه‌جویی‌لیک قیلیش کیره‌ک.
مالیه وزیرلیگی، مذکور مکتوب ده صرفه‌جویی‌لیک ایتیله‌دیگن موضوعلرنی بیان قیلیب و بودجه‌وی واحدلرگه ذکر قیلگن.
مالیه وزیرلیگی نینگ اوشبو مکتوب‌نی تصدیق‌لب ایتیشیچه، سونگی حادثه‌لر جمله‌دن امنیتی وضعیت، کرونا ویروسی و قوروقچی‌لیک ایچکی درآمدلرنینگ توپله‌نیشی خصوصیده سلبی تاثیر قوییگن و شونینگدیک، امنیتی نهادلرنینگ خره‌جتی یوقاری کیتگنی سبب، حکومت مالی و اقتصادی وضعیت نی تیکشیرگنیدن سونگ، ۱۴۰۰- مالی ییل اورته مالی مسوده پیشنهادی‌گه لازم و کینگ اوزگریش‌لیک کیلتیرگن.
مالیه وزیرلیگی سوزلاوچی‌سی رفیع تابع نینگ ایتیشیچه، بودجه‌وی واحدلردن صرفه‌جویی‌لیک نی رعایت قیلیش‌لری سوره‌لگن، لیکن ساغلیک، معارف، کیم‌لیک توزیع قیلیش، پارسپورت، ملکی خذمت‌لر ایشلاوچی‌لری نینگ حقوق‌لری توللنیشی و باشقه اساسی خدمت‌لر عادی شکلده ادامه تاپیشی ممکن.
ایتیلیشیچه، مملکت جمهور رییسی محمداشرف غنی اوتگن کونی مالیه وزیرلیگی مسوول‌لری بیلن بیر ییغین اوتکزیب مصرف‌لر خصوصیده اصلاحات کیلتیریش و بودجه خره‌جتی خصوصیده جدی شکلده دقت قیلینیشی خصوصیده بحث قیلگن.
جمهورلیک ریاستی تامانیدن نشر ایتیلگن خبرنامه‌ده ایتیلیشیچه، مذکور ییغینده خلق ارا جماعه‌سی تامانیدن یاردم بیریلگن ۴ میلیارد دالرنینگ هزینه‌سی خصوصیده وزارت‌لرنینگ لازم ظرفیت و قراردادلرده تینیق‌لیک نی نظرگه آلیشی‌گه تاکید قیلینگن.
۱۴۰۰- ییل مالی بودجه‌سی ۴۷۳ میلیارد افغانی تعیین‌لنگن که بو جمله دن ۳۱۱ میلیاردی عادی بودجه و ۱۶۱ میلیاردی ایسه کینگی‌تیریش بودجه دیر.
۱۴۰۰- مالی ییل بودجه سندیده، جاری ییل بودجه کسری ۳۷ میلیارد افغانی پیش‌بینلیک ایتیلگن و مذکور کسر دولت ذخیره‌سی و خلق ارا قرضه صندوقی تامانیدن تامین ایتیله‌دی.