سوو و برق وزیرلیگی سوو و برق بولیمیده سرمایه یاتقیزیش نینگ جلب قیلیش مقصدیده، بوگون اسلامی امارت سرپرست حکومتی رسمی‌لری و بو بولیم‌ده سرمایه یاتقیزیش گه علاقه‌مند بولگنلر نینگ حضوری بیلن بیر ییغین یولگه قوییدی.
اوشبو ییغین‌ده سوو و برق وزیرلیگی‌نینگ سرپرستی عبدالطیف منصور نینگ ایتیشیچه، انرژی ایشلب چیقاریش اوچون سوو مدیریتی و موجود منبع‌لر نینگ یوقلیگی سبب، اهالی نیازی بولگن برق و سوو گه قول تاپه آلمه‌گن دیر.
سوو و برق وزیرلیگی سرپرستی نینگ تاکید ایتیشیچه، حاضر اوشبو وزیرلیک تورلی ایچکی منبع‌لردن انرژی ایشلب چیقاریش و سوو مدیریتی بولیمیده سرمایه یاتقیزیش اوچون زمینه ایجاد قیلیش نی قِیدیرماق‌ده دیر.
بیزلرنینگ توییترده هم تعقیب قیلینگ!
شونده‌ی بیرحالده، سوو و برق بولیمیده سرمایه یاتقیزیش نی جلب قیلیش خصوصیده یولگه قوییلگن ییغین‌ده، اسلامی امارت سرپرست حکومتی نینگ رسمی‌لری، ینه بیر مرته افغانستان ده سرمایه یاتقیزیلیش نی ایسته‌دیلر.
اولر گه کوره، افغانستان ده فساد یوقلیگی و امنیت برقرار بولگنی، یخشی بیر شکلده سرمایه یاتقیزیش زمینه‌لری نی ایجاد قیلگن دیر.
مذکور ییغین‌ده رئیس‌الوزرا بیرینچی اورین‌باسری عبدالغنی برادر نینگ ایتیشیچه: «اسلامی امارت وزیرلری و مسئوللریدن برچه‌سی کوچلری بارلیگی گه قدر بولیم‌لریده ایشله‌یریلر و سرمایه یاتقیزووچیلر و سوداگرلردن ایسته‌گیم شو که افغانستان نی اوزی‌میز توزته‌یلیک. کیلیب مملکتی‌میز نی توزه‌تسینلر دیب باشقه مملکت‌‌لر نی کوتیب تورمه‌یلیک.»
کانلر و پترولیم وزیرلیگی سرپرستی شهاب‌الدین دلاور نینگ ایتیشیچه: «بیز ۱۷۰۰ میگاوات برق‌نی تاش کومیردن ایشلب چیقاریش خصوصیده بولگن ریجه‌میزنی تیارله‌دیک، بیزگه ایکی خیل کان بار، کیچیک کانلر برچه‌سینی ایچکی کمپنیه‌لرگه بیره‌میز.»
شونده‌ی بیرحالده، بوندن آلدین سوو و برق وزیرلیگی مذکور ییغین‌ده ۱۳۲ پروزه نی سرمایه یاتقیزووچیلر گه پیشنهاد بیریگنی و حاضرگچه کمیده ۲۰۰ شرکت اوشبو ییغین گه شرکت قیلیش اوچون علاقه‌مندلیک کورستگنی نی اعلام قیلگن ایدی.
بونگه علاوه، صناعت و سوداگرلیک وزیرلیگی نینگ سرپرستی نورالدین عزیزی، کنفرانس‌ده ۲۰۰ میلیون گه قدر برق بولیمیده سرمایه یاتقیزیش اوچون تیارگرلیک کورساتیلگنینی بیلدیره‌دی.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «بیزگه علاقه قورگن کیشی‌لر افغانستان‌ده ۲۰۰ میلیون دالرگه قدر برق بولیمیده سرمایه یاتقیزیش اوچون تیار ایکن‌لرینی معلوم قیلدی‌لر.»
ایتیش کیره‌ک که، مملکت‌ده اونملی بیر ریجه و سیاست یوقلیگی سبب، سوو و برق ایشلب چیقاریش منبع‌لری حاضرگه قدر یخشی‌لب باشقیریلمه‌گن و مملکت حاضر یالغیز ۲۲ فایز برق‌نی اوزی ایشلب چیقار‌ه‌دی و قالگنی ایسه قوشنه مملکت‌لردن وارد ایتیله‌دی.