سرپرست حکومت سوو و برق وزیرلیگی مسئوللری، بوگون (پنجشنبه، ۲۶ اسد)، حکومت نینگ میدیالر مرکزی ده «دولت نینگ ملت گه حساب بیریش» دستوری ده ایتیشلریچه، اوشبو مالی ییل ده سوولرنی باشقریش و برق بولیمیده پروژه‌لرینی عملگه آشیریش اوچون اولر گه ییترلی بودجه اختصاص بیریلمه‌گن.
اولر گه کوره، سوو و برق وزیرلیگی ۴۰۰ دن آرتیق پروژه اوچون مالیه وزیرلیگی دن ۱۰ میلیادر افغانی بودجه طلب قیلگن ایدی، بیراق اوشبو مقدار پول دن یالغیز ۳.۷ میلیارد افغانی مذکور وزیرلیک اوچون اختصاص بیریلگن.
بیزلرنینگ فیسبوک صحیفه‌میزگه باش اورینگ!
سوو و برق وزیرلیگی نینگ سوولرنی باشقریش ایشلری بوییچه باشلیغی رفیع‌الله استانکزی گه کوره: «سوو و برق وزیرلیگی، ۴۱۱ پروژه نی عملگه آشیریش اوچون ۱۰.۲ میلیارد افغانی بودجه کیره‌ک، بیز بو مقدار پول نی اوشبو مالی ییل ده مالیه وزیرلیگی دن طلب قیلگن ایدیک، بیراق مالیه وزیرلیگی بیز اوچون ۳.۷ میلیارد افغانی بودجه اختصاص بیرگن.»
سوو و برق وزیرلیگی نینگ برق ایشلری بوییچه باشلیغی فرهاد محمودی نینگ ایتیشیچه: «سوو و برق وزیرلیگی بیش ییل‌لیک بیر ریجه تیارله‌گن و اوشبو ریجه اساسیده ۳.۲ میلیارد دالر گه نیازمند میز.»
باشقه تاماندن، سوو و برق وزیرلیگی مسئوللری نینگ کوپه‌یتیریشیچه، مذکور وزیرلیک اوتگن بیر ییل ده افغانستان ده برق بولیمیده سرمایه یاتقیزیش اوچون ییتتی کمپنیه بیلن ییتتی قرارداد امضاله‌گنلر.
معلومات‌لر اساسیده، مملکت ده سونگی ییل‌لرده‌گی قورغاقچیلیک و ییر آستی سوولری پس توشیشی باعث، یشاوچیلر مثل‌سیز درجه ده سوو تنقیص‌لیگی بیلن روپه‌ره بولگنلر.
بیزلرنینگ توییترده هم تعقیب قیلینگ!
سوو و برق وزیرلیگی نینگ ایتیشیچه، سوو تنقیص‌لیگینی باشقریش اوچون ایریم ریجه‌لرنی توزگنلر، بیراق مذکور وزیرلیک مسئوللری نینگ ایشانچی گه کوره، اوتگن ییل‌لرده‌گی بی فرق‌لیک باعث سوو تنقیص‌لیگی کوپه‌یگن.
سوو و برق وزیرلیگی نینگ سوولرنی باشقریش ایشلری بوییچه باشلیغی نعمان نثار نینگ ایتیشیچه: «اساسی قیینچیلیک کابل شهری نینگ ایچیملیک سوو مسئله‌سی دیر، بو مسئله اوتگن بیر ییل یا که ایکی ییل آلدینگی قیینچیلیک ایمس، تأسف بیلن اوتگن ییل‌لرده‌گی بی فرق‌لیک باعث حاضر سوو انقراضی گه دوچ بولگن‌میز.»
ایتیش کیره‌ک که، انچه ییل دن بویان مملکت نینگ تورلی منطقه‌لریده سوو تنقیص‌لیگیدن شکایت‌لر بولگن و هر ییلی مملکت اینیقسه کابل شهری ده سوو تنقیص‌لیگی مسئله‌سی کوچه‌یماقده دیر.
