افغانستان اسلامی امارت سوزلاوچیسی ذبیح‌الله مجاهد، بوگون بیر اعلامیه ترقه‌تیب ایتیشیچه، ملی مدافعه وزیرلیگی، ایچکی ایشلر وزیرلیگی و اسلامی امارت استخبارات ریاستی نینگ امنیتی کوچلری، مدافعه وزیرلیگی اورین باسری ملا محمدفاضل مظلوم نینگ ریاستی‌ده کینگ بیر تازه‌لش عملیات نی کابل نینگ قطار منطقه‌لری و قوشنه ولایتلریده باشلگنلر.
اعلامیه‌ده کیلیشیچه، اوغریلر، آدم اغیرلاوچیلر و باشقه جرملر گه دخیل بولگن و بوندن آلدین اسلامی امارت خوفسیزلیک کوچلری تامانیدن تانیلگن کیشیلر نی قولگه آلیش مقصدیده، اوشبو منطقه‌لرده تازه‌لش عملیاتی یولگه قویلگن.
بیزلرنینگ توییترده هم تعقیب قیلینگ!
اعلامیه‌ده اورغولنیشیچه، مذکور عملیات جریانی‌ده تینچ اهالی و اولرنینگ اویلری گه زیان ییتیشمه‌یدی و بوتون احتیاط‌لی تدبیرلر نظر گه آلینگن.
اسلامی امارت اوشبو منطقه یشاوچیلریدن مجرم‌لر و متهم کیشیلر نینگ قولگه آلینیشی اوچون اولر حقیده اسلامی امارت بیلن همکارلیک قیلیب و معلومات بیریشلری نی سوره‌‌گن؛ چونکه حکومت گه کوره، بو عملیات اولرنینگ امنیتی، کابل یشاوچیلری نینگ امنیتی و سوداگرلر نینگ امنیتی نی تامین‌لش اوچون یولگه قویلگن.