اسلامی امارت سرپرست حکومتی افغانستانده بیرلشگن ملت‌لر تشکیلاتی نینگ اورین‌باسرلیک دفتری یا-ده یوناما نینگ افغانستانده انسانی حقوق حقیده یازگن گزارشی نی رد قیلگن.
اسلامی امارت سوزلاوچیسی ذبیح‌الله مجاهد، افغانستان ده انسان حقوقی حقیده یوناما نینگ ینگی گزارشی گه قرشی عکس‌العمل کورسه‌تیب یازگن که «افغانستان بشری حقوقی حقیده یوناما گزارشی نینگ حقیقتی یوق.»
مجاهد نینگ ایتیشیچه: «مملکت‌ده هیچ صورت‌ده اوز باشیمه‌چیلیک اولدیریش و قولگه آلیش گه رخصت بیریلمه‌یدی. قتل و اوز باشیمه‌چیلیک قولگه آلیش گه مرتکب بولگن کیشی، اوزی مجرم حساب‌لنه‌دی که او بیلن قانونی و شرعی یول باریلیشی ممکن.»
بیزلرنینگ فیسبوک صحیفه‌میزگه باش اورینگ!
اسلامی امارت سوزلاوچیسی نینگ کوپه‌یتیریشیچه، افغانستان بشری حقیده یوناما نینگ گزارشی «بی‌اساس و پروپاگاند» دیر.
افغانستان ده بیرلشگن ملت‌لر تشکیلاتی نینگ اورین‌باسرلیک هیأت دفتری یا-ده یوناما، بوگون افغانستان ده اسلامی امارت نینگ قدرت گه ایریشگنیدن بویان اوشبو مملکت‌ده انسانی حقوق گه تیگیشلی ینگی گزارشی نی ترقه‌تدی.
مذکور گزارش اساسیده، ۲۰۲۱-ییل نینگ ۱۵-آگست آیی‌دن ۲۰۲۲-ییل نینگ ۱۵-جون آیی‌گچه، ۲۱۰۶ تینچ‌اهالی هلاک و یره‌لنگن. بو آره‌ده، تورلی واقعه‌لر نتیجه‌سیده، ۷۰۰ تینچ‌اهالی هلاک و ۱۴۰۶ تینچ‌اهالی ایسه یره‌لنگن.
یوناما اوشبو قربان‌لر نینگ اکثریتینی اسلامی دولت (داعش) گه نسبتن بیرگن. گزارش ده کیلیشیچه: «عراق و شام_خراسان ولایتیده مکتب و عبادتخانه‌لرده نشانگه آلینگن آزچیلیک قوم‌لر نینگ کوپ سانده‌گی تلفاتی، داعش گروهی گه نسبتن بیریلگن.»
مذکور گزارش‌ده افغانستان بوییچه بیرلشگن ملت‌لر تشکیلاتی باش‌کاتبی نینگ خاص نماینده‌‌سی اورین‌باسری و سرپرستی مارکس پوتزل‌دن نقل قیلینیب کیلگن که: «حاضر ایسه ۲۰ییل‌دن کیین، اهالی نینگ تینچ‌لیکده حیات کیچیریب و اوز حیاتی نی ینگی‌دن باشلش زمانی ییتیب کیلگن. نظارت‌لریمیز گه قره‌گنده، ۱۵-آگست‌دن بویان امنیتی وضعیت یخشی‌لنگنی بیلن، افغانستان اهالی‌سی اینیقسه عیال‌لر و قیزلر مکمل انسانی حق‌لریدن محروم‌لر.»
یوناما نینگ قولگه کیلتیرگن معلومات‌لری گه قره‌گنده، اسلامی امارت کوچلری اوشبو مدت‌ده افغانستان سابق حربی‌لری خصوصیده، ۱۶۰ قتل، ۱۷۸ اوز باشیمه‌چیلیک قولگه آلینیش، ۲۳ غیر قانونی مورد، ۵۶ کلتک‌لش و یامان رفتار قیلیش گه عیبلنگنلر.
بیزلرنینگ توییترده هم تعقیب قیلینگ!
مذکور گزارش نینگ باشقه بیر بولیمی‌ده کیلگن که، اسلامی امارت کوچلری میلادی ۲۰۲۱-ییل نینگ ۱۵- آگست آیی‌دن میلادی ۲۰۲۲-ییل نینگ ۱۵-جون آیی‌گچه، داعش گه تیگیشلی کیشی‌لر خصوصیده ۵۹ مورد قتل، ۲۲ مورد اوزباشیمه‌چیلیک قولگه آلینیش بیلن ۷ مورد کلتک‌لش و یامان رفتار قیلیش گه مرتکب بولگنلر.
شونینگدیک یوناما نینگ ایتیشیچه، اسلامی امارت کوچلری اوشبو مدت‌ده، ۱۸ قتل، ۵۴ مورد کلتک‌لش، ۱۱۳ مورد اوزباشیمه‌چیلیک قولگه آلینیش و ملی مقاومت جبهه‌سی بیلن رابطه عیبی خصوصیده ۲۳ مورد قولگه آلینیش نی انجام بیرگنلر.
گزارش‌ده یازیلگن که، اسلامی امارت کوچلری ذکر بولگن مدت‌ده، ۲۱۷ عملی مورد نی مرتکب بولگنلر که، یوناما اونینگ «ظالمانه، غیرانسانی و کمسیتیش مجازات» عنوان قیلگن.
