شانگهای همکارلیک تشکیلاتی اسلام امیرلیگی نینگ افغانستانده داعش کبی عصیانچی گروه‌لر بیلن قرشی کوره‌شی نتیجه بیرگنینی بیان قیلگن بیرحالده، بیرلشگن ملتلر تشکیلاتی مفصل ایکّی گزارش ترقه‌تیب، عصیانچی گروه‌لر اینیقسه داعش خراسان و القاعده گروه‌لری نینگ تهدیدلریدن خواطر بیلدیرگن.
بیرلشگن ملتلر تشکیلاتی باش کاتبی تامانیدن تیارلنیب خوفسیزلیک کینگشی گه یوللنگن و باشقه بیری بیرلشگن ملتلر تشکیلاتی نینگ تحریم‌لرینی نظارت اېتیش کمیته تامانیدن تیارلنگن اوشبو گزارش‌لرده، داعش تهدیدلری نه‌فقط افغانستانده خلاصه بولمه‌یدی، بلکه بو گروه افغانستاندن باشقه و حتا اروپا مملکت‌لری اوچون تهدید اېکن‌لیگی ادعا بولگن.
بیزلرنینگ فیسبوک صحیفه‌میزگه باش اورینگ!
بیرلشگن ملتلر تشکیلاتی، داعش افغانستانده‌گی کوچلری گه تشقی مملکت‌لر گه هجوم قیلیش بویروغینی بیریب و اسلام امیرلیگی، القاعده و تی‌تی‌پی بیلن مناسبت‌لرینی همان سقلب کېلماقده دیب ادعا قیلگن.
بیراق اسلام امیرلیگی بیرلشگن ملتلر تشکیلاتی نینگ اوشبو گزارش‌لری گه مناسبت بیلدیریب، مملکت مقیاسیده داعش یوق اېتیلیب بو گزارش‌لرنی داعش اوچون ریکلام دیگن.
اسلام امیرلیگی سۉزلاوچیسی نینگ اورین باسری حمدالله فطرت گه کوره: «داعش نینگ افغانستانده فعالیتی دایمی بولیب، مرکز قوریب و عسکر آلماقده بولسه بو ممکن‌سیز دیر، داعش تهدیدلریدن خواطر بیلدیریش و افغانستاندن باشقه اولکه‌لرنی تهدید قیلیش خواطرلر، فکریمچه داعش اوچون ریکلام و اونی کتّه کورسه‌تیش دیر.»
بیزلرنینگ «ایکس» ترماغی ده هم تعقیب قیلینگ!
ایش بیلرمان‌لردن بیرقطاری، بیرلشگن ملتلر تشکیلاتی نینگ بو کبی گزارش‌لرینی ایکّی تامان اۉرته‌سیده‌گی قرشی‌لیک طفیلی عقده‌مندلیک و اسلام امیرلیگی اوستیگه باسیم کېلتیریش اته‌یدیلر.
شونینگدیک ایش بیلرمان‌لردن بیرقطاری، بیرلشگن ملتلر تشکیلاتی و شانگهای همکارلیک تشکیلاتی نینگ افغانستان وضعیتی حقیده‌گی فکر-ملاحظه‌لرینی خارجی سیاست‌لریده ضدیت بارلیگی اته‌ب و عاقبتیدن خواطر بیلدیره‌دیلر.
مذکور ایش بیلرمان‌لر نینگ ایشانچی گه کوره، بو احوالدن قوتیلیش اوچون مملکتده سیاسی ثبات و اساسی خوفسیزلیک تأمین اېتیلیشی کېره‌ک.
افغانستانده سۉنگی اوچ ییلده عصیانچی گروه‌لر نینگ هجوملری و فعالیت‌لری کمه‌یگن بیرحالده، بیرلشگن ملتلر تشکیلاتی افغانستانده عصیانچی گروه‌لر نینگ تهدیدن خواطر بیلدیرگن.
