انسان حقوقی ایرکین کمیسیونی، مسوول‌لر نهادلردن صدای غور رادیوسی نینگ سابق مدیر مسوولی بسم‌الله عادل نینگ آته‌سینی اوی اوستیگه صورت تاپگن هجوم نی تیکشیریشی‌نی سوره‌گن.
بوگون “یکشنبه” انسان حقوقی ایرکین کمیسیونی نینگ بیر توییت آرقه‌لی یازیشیچه، اوشبو نهاد نینگ تیکشیریش‌لریگه کوره، صدای غور رادیوسی نینگ سابق مدیر مسوولی بسم‌الله عادل نینگ آته‌سینی اویی اوستیگه طالبان محلی قومندانی تامانیدن اویوشتیریلگن هجوم ده ۱۳ یاشر بیر قیز شامل ۳ کیشی هلاک و باشقه ۴ کیشی یره‌لنگن.
اوشبو کمیسیون گه کوره، طالبان گروهی، بسم‌الله عادل نینگ عایله اعضالریدن ۳ ته‌سینی اوزلری بیلن آلیب کیتگن.
انسان حقوقی ایرکین کمیسیونی نینگ کوپه‌یتیریشیچه: «افغانستان بوییچه انسان حقوقی ایرکین کمیسیونی، مسوول نهادلردن اوشبو قضیه و بسم‌الله عادل نینگ ترورینی تیکشیریب حقیقت‌لرنی بیللی قیلیب و شونینگدیک، عدالت‌نی تامین قیلیشی‌نی سوره‌یدی.»
اوتگن “جمعه” کیچه‌سی طالبان جنگریلری بسم‌الله عادل نینگ آته‌سینی اویی‌گه هجوم قیلگن و نتیجه ده مذکور عایله اعضالریدن ۳ ته‌سی هلاک و باشقه ۵ ته‌سی یره‌لنگن.
صدای غور رادیوسی نینگ سابق مدیر مسوولی بسم‌الله عادل کمیده ایکی آی آلدین ناتانیش قوراللی کیشی‌لر تامانیدن فیروزکوه شهریده ترور قیلینگن ایدی.