نماینده‌لر کینگشی نینگ بوگونگی عمومی ییغینیده، مذکور کینگش اعضالریدن قطاری معلومات و احصائیه اداره‌سی نینگ ینگی قراری گه قرشی عکس‌العمل کورسه‌تیب ایتیش‌لریچه، ۵۴ قوم برقی کیم‌لیک رویخطی گه کیریتیلیشی غیر مسلکی بیر ایش دیر و بو افغانستان اهالیسی نینگ فایده‌سیگه ایمس.
اولرگه کوره، حکومت بونده‌ی بیر قرار بیلن مملکت قوم‌لری آره‌سیده نفاق تشلش اوچون حرکت قیله‌دی. نماینده‌لر کینگش اعضالری نینگ ایتیش‌لریچه، پشتون قوم نی بیر چتر آستیده و باشقه اوچ قوم نی تورلی شاخه‌لرگه بولیش منطقی بیر ایش ایمس دیر.
بیراق نماینده‌لر کینگش اعضالریدن باشقه بیر قطاری احصائیه و معلومات اداره‌سی نینگ مذکور قراری نی خوش قرشیله‌گن. نماینده‌لر کینگش اعضالری نینگ اوشبو قطاری جنجللر یکونله‌نیشی اوچون برقی کیم‌لیککه قوم درج قیلینیشی اختیاری بولیشی نی سوره‌شگن.
شونده‌ی بیرحالده، مذکور ییغین نی رهبرلیک قیله‌دیگن نماینده‌لر کینگشی نینگ بیرینچی اورین باسری جاوید جیحون نینگ ایتیشیچه، حکومت و احصائیه اداره‌سی اساسی قانون و اهالی نینگ ایسته‌گی اساسیده عمل قیلیشی کیره‌ک.
