کانلر و پترولیم وزیرلیگی مسئوللری، هراتده تاپی لایحهسینینگ انشاآتی ایشلری ۵۲ فایز یکونلنگنینی معلوم قیلگنلر.
اوشبو اداره سوزلاوچیسی همایون افغان، بوگون (۱۹ جوزا/۹ جون، سهشنبه) ایکس صحیفهسیده بیر بیانیه ترقهتیب، حاضرگچه تاپی لایحهسینینگ ۸۰ کیلومتریده لوله تارتیلگن و ۱۲۶ کیلومتری لوله تارتیش اوچون تیارلنگنینی بیلدیرگن.
بیانیه گه کوره، اوشبو لایحه اوچون ۱۰۸ کیلومتر اوزونلیکدهگی علاقه و نظارت یوللری قوریلگن و ینه ۷۲.۳ کیلومتر اوچون ضرور بولگن لوله حدود گه ییتکزیلگن.
تاپی لایحهسی، منطقهوی قوشمه لایحه بولیب و عملگه آشیریلگن حالده، تورکمنستان گازی افغانستان آرقهلی پاکستان و هندوستان گه تشیلهدی. تاپی لایحهسی لوله تارتیش چیزیغی بیرمینگ ۸۱۴ کیلومتر اوزونلیگی بولیب – ۲۰۷ کیلومتری تورکمنستان حدودلری، ۷۷۴ کیلومتری افغانستان توپراغی و ۸۲۶ کیلومتری پاکستاندن هندوستان چیگرهسیگچه دوام تاپهدی.
