غزنی؛ سابق‌لرده مملکت نینگ پوستین دوزلیک مهم بازارلریدن بیری ایدی، حتی مینگلب آدم پوستین دوزلیک یوزلرچه کارخانه‌ده ایش بیلن تأمینلنگن ایدیلر، لیکن غزنیدهگی پوستین دوزلردن قطاری نینگ ایتیشلریچه، چیت ایل‌دن کییم-کیچک وارد ایتیلیشی و سیاح‌لیککه زمینه یره‌تیلمسلیگی اوشبو ولایتده پوستین دوزلیک صناعتینی تنزل گه روپه‌رو قیلگن. اولردن قطاری، قلابکارلیک و ایش بازاری‌ده‌گی صفت‌سیزلیکنی، غزنی ولایتیده مذکور صناعت تنزل گه یوز توتیش یگانه عاملی عنوان قیله‌دیلر.
کوپ عمرینی پوستین دوزلیک صناعتی بیلن اوتکزگن ۶۵ یاشر حاجی امان‌الله نینگ ایتیشیچه، ه‌ش ۴۰ سنه‌دن ۶۰- سنه‌لرگچه، غزنی ولایتیده پوستین دوزلیک صناعتی رواجلنیب، ایچکی و تشقی سیاح‌لر اوشبو صناعت نینگ ساتیب آلر ایدیلر. بیراق او بو وضعیت‌دن تأسف بیلدیریب، حاضر ایسه بو صناعت تنزل گه یوز توتگنینی ایته‌دی.
بیزلرنینگ فیسبوک صحیفه‌میزگه باش اورینگ!
امان‌الله نینگ ایتیشیچه: «والله صادر هم بولر ایدی، آمریکالیک توریست‌لر، پولندلیک‌لر کیلر ایدی، کوپراق شوروی و تاجیکستان‌دن کیلر ایدیلر و بعضی سوداگرلر غزنی‌دن ساتیب آلیب خارج آلیب کیتر ایدیلر.»
پوستین دوزلردن باشقه بیری عبدالودود، بو صناعت خریداری و حمایتچیسی بولمسلیگی اوچون، اوزینی یالغیز حس قیله‌دی. اونگه کوره، دنیا بویلب مثل سیز بولگن اوشبو صناعت گه کوپ زحمت چیکه‌دیلر.
پوستین هر ییل اوتیشی بیلن، علاقه‌مندلرینی قولدن بیرماقده و بازارده آز خریدار گه ایگه دیر؛ خریدارلری هم پوستین کییش گه عادت قیلگن کیکسه‌لر دیر.
اوشبو پوستین خریداری و غزنی ولایتی نینگ کیکسه‌لریدن بیری عبدالمتین، قیش موسوم‌لریده قدیم‌لردن بویان پوستین کییه‌دی ایتیشیچه: «ساووق اوشله‌مسلیک اوچون پوستین آلیشنی ایسته‌دیم، لیلامی وبازارده‌گی مال‌لر درد گه تیکمه‌یدی. لیکن بو مال‌لر ایسیق اوشله‌یدی، دکانداردن قازی پوستین بیریشینی سوره‌دیم»
بیزلرنینگ توییترده هم تعقیب قیلینگ!
عین‌حالده، غزنی ولایتی نینگ فرهنگی‌لری و ایش بیلرمان‌لریدن بیرقطاری، بو صناعت تنزل گه یوز توتیشیدن خواطر بیلدیریب ایتیشلریچه، ایکی دهه آلدین، غزنی ولایتیده یوزلرچه پوستین‌دوزلیک کارخانه فعالیت قیلر ایدی. اولر نینگ ایتیشلریچه: «غزنی‌ده ۵۰۰ دن آرتیق پوستین‌دوزلیک کارخانه بار ایدی، انیق یادیمده که هر بیر پوستین‌دوزلیک کارخانه‌ده، ۲۰ و ۳۰ دن آرتیق کیشی ایشلر ایدی.»
انسان‌لر یره‌تیلیشیدن کیین حیوان‌لر تیریسیدن کییم توزه‌تر ایدیلر که اوشبو قدیمی کییم‌لردن بیری پوستین دیر؛ پوستین تاریخ بویلب شاهانه کییم گه ایلنگن ایدی، خوش‌روی لیک و شونینگدیک ساووق اوچون استفاده بولر ایدی. حاضر ایسه دنیا صناعت‌لری ماشینی بولیشی بیلن، اکثر قول صناعت‌لری تنزل گه یوز توتیب یوق بولماقده.
