بلخ ولایتی حیرتان دوراههسی حدودلریده، ۲۲ مینگ جریب ییرده «امام شقیق بلخی» صناعت شهرچهسینینگ تمل تاشی، ملا عبدالغنی برادر تامانیدن قوییلدی.
اسلام امیرلیگی باش وزیرینینگ اداری اورین باسرلیگی، بوگون (۲۸ سنبله/۱۹ سپتمبر، شنبه) ایکس اجتماعی ترماغیده بیر بیانیه ترقهتیب، مذکور شهرچهنینگ تمل تاشی اوتگن کونی ملا عبدالغنی برادر تامانیدن قوییلگنینی بیلدیرگن.
اسلام امیرلیگی باش وزیرینینگ اداری اورین باسری، «امام شقیق بلخی» صناعت شهرچهسینینگ تمل تاشینی قوییش مناسبتی بیلن اوتکزیلگن تدبیرده ایتیشیچه، اسلام امیرلیگی افغانستاننی ایشلب چیقروچی بیر مملکت گه ایلنتیریش و یشاوچیلر گه ایش فرصتلرینی یرهتیش اوچون سعی-حرکت قیلهیاتگنینی معلوم قیلدی.
اونگه کوره، بلخ صناعتی شهرچهسینینگ تشکیل ایتیلیشی بو ولایتده صناعت بولیمیده بولگن کمچیلیکلرنی کمهیتیریش، صناعتچیلر فعالیتی اوچون شرایط یرهتیشی، افغانستاننینگ وارد قیلیش گه قرهملیگینی کمهیتیریش و مینگلب کیشیلر اوچون ایش فرصتلری یرهتیشی ممکن.
برادر اوز سوزلری دوامیده، بلخنی مملکتنینگ مهم سودا، ترانزیت و صناعت ولایتلریدن بیری دیب، حیرتان بندری فقط توارلرنی وارد قیلیش و قتناو اوچون فایدهلنیب قالمسلیک کیرهکلیگینی ایتدی. اونینگ تأکیدلشیچه، حیرتان بندری ایسه ایشلنگن محصولاتلر و افغانستانده ایشلب چیقریلگن محصولاتلرنی صادر قیلیش اوچون مهم یونهلیشگه ایلنیشی لازم.
اسلام امیرلیگی باش وزیرینینگ اداری اورین باسری عبدالغنی برادر، صناعتچیلردن ینگی صناعت شهرچهسینینگ ایریم بولیملریده سرمایه کیریتیشلرینی سورهب و اسلام امیرلیگی امکانیتلرنی یرهتیش و همکارلیک قیلیش وعدهسینی بیردی.
بلخده امام شقیق بلخی صناعت شهرچهسی ۲۲ مینگ جریب ییرده قوریلهدی. اونده تورلی ساحهلرده خاماشیانی قیته ایشلش، صفتلی محصولاتلر ایشلب چیقریش و توارلرنی صادر قیلیش اوچون شرایط یرهتیلیشی ریجهلشتیریلگن.
