مملکت جمهوررئیسی محمداشرف غنی، افغانستان بوییچه آسیانی رواجلنتیریش بانکی و دنیا بانکی رئیس‌لری، خلق‌ارا ساغلیک تشکیلات و یونیسف اداره مسئوللری بیلن سوزلشگن.
جمهوررئیس‌لیک سرایی بیر خبرنامه ترقه‌تیب ایتیشیچه، مذکور سوزلشوو اوتگن کون (پنج‌شنبه ۱۳- قوس) ویدیویی کنفرانس آرقه‌لی یولگه قوییلگن. جمهوررئیس غنی دنیا بانکی و افغانستان بوییچه آسیانی رواجلنتیریش بانکی رئیس‌لریدن کرونا ویروس نینگ بیرینچی باسقیچی نی عمل گه آشیریش اوچون، افغانستان گه یاردم بیریش‌لرینی سوره‌گن.
جناب غنی کرونا ویروس نینگ ایکینچی موجی گه قرشی کوره‌ش نی افغانستان حکومتی نینگ بیرینچی ایشلریدن دیگن.
ارگ نینگ خبرنامه‌سی اساسیده، مذکور نهاد مسئوللری افغانستان ده کرونا ویروس نینگ بیرینچی باسقیچی تطبیق ایتیلیشی خصوصیده، دنیا جماعه‌چیلیگی تامانیدن دنیا بانکی گه مالی یاردم بیریلیشی اوچون وعده بیرگن.
اولرنینگ ایتیش‌لریچه، کرونا ویروس نینگ ایکینچی تولقینی گه قرشی کوره‌ش نینگ بیرینچی باسقیچی ده، واکسین نینگ ۲۰-۴۰ فایزی تطبیق ایتیلیشی گه قرار قیلینگن.
مذکور ییغینیده جمهوررئیس غنی کرونا ویروس نینگ بیرینچی باسقیچی ده مملکت ساغلیک وزیرلیگی گه همکار تشکیلاتلر آرقه‌لی عمل گه آشیریلمه‌گن وعده‌لرنینگ قنده‌یلیگی حقیده، اوز خواطری نی بیان قیلگن. جناب غنی بوندن آلدین افغان-جاپان کسلخانه‌سی نینگ تیکشیریب و بو کسلخانه حاضر هم جدی شکلده جهازلر و طبی امکانیت گه احتیاجی بارلیگی نی ایتگن ایدی.
مذکور ییغینده، دنیا بانکی و افغانستان بوییچه آسیا نی رواجلنتیریش بانکی رئیس‌لری، خلق‌ارا ساغلیک تشکیلات و یونیسف اداره مسئوللری جمهوررئیسی غنی گه دنیا بانکی، افغانستان بوییچه آسیا نی رواجلنتیریش بانکی و شونینگدیک باشقه یاردم بیرووچی نهادلر افغانستان گه بیر مالی بسته یاردم بیریش اوستیگه ایشله‌گنلریدن ایشانچ بیرگن.
ساغلیک وزیرلیگی نینگ معلوماتی اساسیده، حاضرگچه مملکتده کرونا ویروس گه شبهه‌لی ۱۵۲ مینگ کیشی تیکشیریلگن کیم بولردن ۴۶ مینگ و ۹۸۰ ته‌سی کرونا گه چلینگن و شونینگدیک ۱ مینگ و ۸۲۲ کیشی بو ویروس باعث جان بیرگن. عین حالده، افغانستان ده حاضرگچه کرونا گه چلینگن ۳۷ مینگ و ۲۶ کیشی دارولنگن.